23:29 16 Yanvar 2019
Canlı yayım
  • USD1.7000
  • RUB0.0254
  • EUR1.9398
Qatar

Dəmiryollarında nəzarət tədbirləri gücləndirilib, ciddi yoxlamalar aparılır

© Photo: Facebook / ADYQSC
SƏHİYYƏ
Qısa URL
22 0 0

Ələt yuma-dezinfeksiya məntəqəsi bütün lazımı dezinfeksiya maddələri ilə təmin edilib

BAKI, 10 yanvar — Sputnik. Gürcüstan Respublikasında insanlar arasında "donuz qripi" (A-H1N1 tipi) xəstəliyinin yayılmasını və bu xəstəliyin insanlar vasitəsi ilə donuzlara ötürülmə ehtimalını nəzərə alan Kənd Təsərrüfatı Nazirliyi (KTN) yanında Dövlət Baytarlıq Xidmətinin (DBX) Dəmir Yolunda Baytarlıq Xidməti İdarəsi (DYBXİ) ölkəmizə qonşu respublikadan daxil olan kənd təsərrüfatı yükləri daşınan vaqonlarda dezinfeksiya tədbirləri aparır.

Bu barədə Sputnik Azərbaycan-a DBX-nin mətbuat xidmətindən məlumat verilib. Məlumata görə, Rusiya, Ukrayna, Latviya, Belarus, Rumıniya, Argentina və digər ölkələrdən gətirilən vaqonlar kənd təsərrüfatına, o cümlədən baytarlığa aid yüklərdən boşaldıqdan sonra baytarlıq təyinatına əsasən dezinfeksiyaya göndərilir.

Vaqonların dezinfeksiyası Dəmir Yolunda Baytarlıq Xidməti İdarəsi tərəfindən Ələt yuma-dezinfeksiya məntəqəsində aparılır. Vaqonlar yuyulub dezinfeksiya olunduqdan sonra "Azərbaycan Dəmir Yolları" Qapalı Səhmdar Cəmiyyətinə təhvil verilir.

Ələt yuma-dezinfeksiya məntəqəsi bütün lazımı dezinfeksiya maddələri ilə təmin edilib. Dövlət Baytarlıq Xidməti bildirir ki, ölkədə saxlanılan donuzlar arasında "donuz qripi" (A-H1N1 tipi) xəstəliyi qeydə alınmayıb və epizootik vəziyyət sabitdir.

Əlaqədar

Qonşuda “donuz qripi”nə qarşı preparat çatışmır
Gürcüstanda "donuz qripindən" ölənlərin sayı artır
"Gürcüstan təhlükəsi"nə qarşı donuzçuluq təsərrüfatlarında yoxlamalar aparılır
"Donuz qripi" ilə bağlı son vəziyyət
Teqlər:
dəmiryolu, virus, AH1N1, donuz qripi, Gürcüstan

Əsas mövzular