Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Qonşu ölkədə "donuz qripi"ndən ölən var

© FB / Zurab PataradzeМашина скорой помощи города Батуми на выезде
Машина скорой помощи города Батуми на выезде - Sputnik Azərbaycan
Abunə olmaq
Gürcüstanda bir nəfər H1N1 virusundan dünyasını dəyişib

BAKI, 25 dekabr - Sputnik. Gürcüstanda H1N1 virusunun “A” növünə yoluxan bir xəstə dünyasını dəyişib.

AZƏRTAC Gürcüstan mətbuatına istinadla xəbər verir ki, həmin virusa yoluxmuş 53 yaşlı qadın Batumidəki xəstəxanaların birində ölüb. Xəstə tənəffüs yollarında yaranmış problemlə əlaqədar dekabrın 17-də Batumi Respublika Xəstəxanasına yerləşdirilmişdi.

Xəstəxananın həkimi Malxaz Xalvaşi bildirib ki, xəstədə qripin “A” növü aşkarlanıb. Bu gün onun vəziyyəti kəskin ağırlaşıb və həkimlər xəstəni həyata qaytara bilməyiblər.

İctimai Sağlamlıq Mərkəzindən bildiriblər ki, Acarıstanda laboratoriyada aparılmış yoxlama zamanı H1N1 virusuna yoluxma ilə əlaqədar 3 fakt qeydə alınıb. Virusa yoluxma halları ilə əlaqədar xəstəxanalara müraciət edənlərin sayı kəskin artıb.

H1N1 virusunun “A” qrip tipi daha çox yayılıb. Bu virus insanlarla yanaşı, bir çox heyvanlarda da aşkar edilib.

H1N1 virusu “donuz qripi” kimi tanınır.

Xəbər lenti
0