BAKI, 25 aprel — Sputnik. Aprelin 25-də parlamentin plenar iclasında gözün buynuz qişasının Azərbaycana gətirilməsinə icazə verən qanun layihəsi qəbul olunub.
Sputnik Azərbaycan-ın məlumatına görə, Milli Məclisin iclasında "Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında" qanuna dəyişikliyə baxılıb.
Parlamentin Səhiyyə komitəsinin sədri Əhliman Əmiraslanov deyib ki, həmin siyahıya gözün buynuz qişası da əlavə olunub. Bundan sonra gözün buynuz qişasının Azərbaycana gətirilməsinə icazə veriləcək.
Qanun layihəsi səsə qoyularaq qəbul olunub.
