BAKI, 6 apr – Sputnik. Narkotik asılılığı bütün dünyanın ortaq problemi sayılır. Bu bəla ilə mübarizə üsulları inkişaf edən texnologiya sayəsində daha da genişlənir. Yeni müalicə üsullarından biri də “çip” yəni “implant” adlanır.
Sputnik Azərbaycan TRT-yə istinadən xəbər verir ki, dəri altına yerləşdirilən mikroçiplər maddə bağımlılığının azalmasına kömək edir.
Çipli müalicədən xüsusilə heroin vuranlarda, bəzən də alkoqol düşkünü olanlarda istifadə edilir. İmplant, dərinin altına yerləşdirilən, müəyyən müddətdən sonra bədənin içinə yeridilən müalicə növüdür. Dərman bədənə tam yeridildikcə, insanda maddə asılılığı da azalır.
Lakin müalicənin effektliliyi üçün dəri altına çip yerləşdirilmədən 1 həftə əvvəl asılılığı olan şəxs narkotikdən istifadəni tam dayandırmalıdır.
