Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Dözülməz baş və bədən ağrılarının səbəbi bu imiş

© pixabay / RobinHigginsBaş ağrısı, arxiv şəkli
Baş ağrısı, arxiv şəkli - Sputnik Azərbaycan
Abunə olmaq
Ağrılar sanki bədəndə "gəzir" - gah azalır, gah güclənir, gah da yox olur. Xəstə ağrıların konkret yerini göstərə bilmir, ağrıkəsici dərmanlar ona kömək etmir.

BAKI, 17 mart — Sputnik. Bəzən insanlar bədənin müxtəlif hissələrində (qarın, əzələlər, ürək, qaraciyər nahiyəsi, bel və s.) əmələ gələn ağrılardan şikayətlənir.

Ağrılar sanki bədəndə "gəzir" — gah azalır, gah güclənir, gah da yox olur. Xəstə ağrıların konkret yerini göstərə bilmir, ağrıkəsici dərmanlar ona kömək etmir.

Belə xəstələr aylarla müxtəlif mütəxəssislərin müayinələrdən keçir. Lakin ağrıların səbəbi və hətta konkret lokalizasiyası (yeri) təyin olunmur.

Bəzən belə xəstələr müxtəlif müalicələr də alır. Ancaq bu onların vəziyyətinə müsbət təsir etmir, ağrılar yenidən əmələ gəlir.

Saglamolun.az xəbər verir ki, rus həkim-nevroloq İzeta Eloyevanın sözlərinə görə, belə "gəzən", konkret olmayan və heç bir digər simptomlarla müşayiət olunmayan ağrıların səbəbi somatik xəstəlik deyil, nevroloji xəstəlikdir. Belə müəmmalı ağrılar depressiyanın, isteriyanın və bir çox digər nevroloji pozulmaların simptomudur.

Xəbər lenti
0