BAKI, 27 fev – Sputnik. Deyilənə görə, dilin vəziyyəti, rəngi və şəkli bir çox xəstəliyin xəbərçisidir. Üstəlik dilin rənginə baxaraq irəli zamanlarda ortaya çıxacaq xəstəlikləri öncədən bilmək olar.
Dilinizin normaldan fərqli bir görünüşü varsa, bu, həyatınızı dəyişdirməli olduğunuza işarədir. Dilinizin altındakı damarlar çoxdursa, deməli, çox şəkər və duz qəbul edirsiniz.
Bunu azaltmaq lazımdır. Dilin üzərində tünd qırmızı rəng varsa, acıdan və ədviyyatlardan uzaq durmalısınız. Əgər dil solğun qurudursa, açıq rəngdədirsə, demək, bədən susuz qalıb. Rənginə bax, təyin et Araşdırmalara görə, dilin rəngi tünd qırmızıdırsa, hətta dilin üzərində sarı bir təbəqə varsa, bu, uzun müddət bədəndə bir iltihabın olduğunu bizə göstərir. Əgər belə bir probleminiz varsa, həkimə gedin. Diliniz çox yaş və çox tüpürcəklidirsə, bu, sizin çox yediyinizin və bədəninizdə daha çox su toplandığının göstəricisidir. Bununla yanaşı təzyiqiniz yüksəlirsə, demək çox duz, şəkərli və ədviyyatlı qidalanırsınız.
Dilin forması da önəmlidir Dil bütün daxili orqanların aynasıdır. Dilin düz olması halında dilin kənarlarında diş izlərinin olması qaraciyər və öd kisəsində probleminizin olduğuna bir işarədir. Bu, ciddi bir xəstə olduğunuzu göstərmir, amma irəlidə belə bir probleminiz ola bilər. Əgər belə bir probleminiz varsa, qaraciyərinizi dəstəkləyən ət, daha az dərman, daha çox tərəvəz yeyin. Diliniz solğun rənglidirsə, bu, sizin qansız olduğunuzu göstərir.
Qan hazırlayan qidalar bol yeyin, kafeini azaldın. Xüsusən dilin ucunda baş verən dəyişikliklər ürək və ağciyərlə bağlı problemləri göstərir. Dilin ortasının sarı, ağ olması mədə və dalaqla bağlı problemlərə işarədir. Dilin ortasındakı rəngli ləkələrlə birlikdə dilin yanlarındakı diş izləri, çatlar qaraciyər və öd kisəsi ilə bağlı problem olduğunu göstərir. Dili yuxarı qaldırarkən altındakı damarlar çox aydın görünürsə bu, sidik kisəsi və böyrək problemlərinin ön planda olduğuna işarədir.
