Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Ekspert: Rus-türk gərginliyində çıxış yolu dialoqdur

İlqar Vəlizadə_politoloq
İlqar Vəlizadə_politoloq - Sputnik Azərbaycan
Abunə olmaq
İlqar Vəlizadə: Əgər İsrail-Türkiyə gərginliyini dialoqla azaltmaq mümkün olubsa, deməli, Rusiya-Türkiyə məsələsində də bunu istisna etmək olmaz.

BAKI, 22 dek — Sputnik. "Son həftələr ərzində Rusiya-Türkiyə arasında yaranan gərginlik iki tərəfin bir çox beynəlxalq məsələyə fərqli baxışını göstərdi. Eyni zamanda belə bir mənzərə yarandı ki, sanki tərəflər biribirini nəinki başa düşmür, hətta eşitmirlər də". Bunu Sputnik-ə müsahibəsində politoloq İlqar Vəlizadə deyib. Onun sözlərinə görə, əsasən də Suriyanın şimalında yaşayan türkmənlərlə bağlı məsələdə iki ölkə arasında ciddi fikir ayrılığı var.

"Türkmənlərlə bağlı vəziyyət onu göstərir ki, tərəflər, daha çox öz arqumentlərini ortaya atırlar, nəinki bir-birilərini ciddi şəkildə eşidirlər. Və hər iki ölkə rəsmiləri qarşılıqlı səslənən fikirləri kifayət qədər təhlil etmir".

Politoloq, vəziyyətdən yeganə çıxış yolunun dialoq olduğunu qeyd edib.

"Bu dialoqa həm işçi qruplar arasında, həm də iki tərəfəndən olan ekspertlər start verə bilərlər. Və bu dialoqun inkişafı əsasında gələcəkdə prezidentlərin görüşü də istisna edilmir".

İlqar Vəlizadə sonda əlavə edib ki, əgər İsrail-Türkiyə gərginlyini dialoqla azaltmaq mümkün olubsa, deməli bu məsələdə də bunu istisna etmək olmaz.

Xəbər lenti
0