CƏMİYYƏT
Cəmiyyətin həyatında baş verən aktual hadisələr

Novruzun müjdəçisi - Bu gün Su çərşənbəsidir

© Sputnik / Aleksey Kudenko / Mediabanka keçidŞahbulaq bulağı
Şahbulaq bulağı - Sputnik Azərbaycan, 1920, 23.02.2021
Abunə olmaq
Bu il martın 2-də Od, martın 9-da Yel çərşənbəsi olacaq. Novruzun ilaxır - Torpaq çərşənbəsi isə martın 16-də qeyd ediləcək

BAKI, 23 fevral - Sputnik. Bu gün Novruz bayramının ilk çərşənbəsi - Su çərşənbəsidir.

Sputnik Azərbaycan bildirir ki, onu "Yalançı", "Əzəl çərşənbə", "Sular Novruzu" da adlandırırlar. Su çərşənbəsində su və su mənbələri təzələnir, arxlar qaydaya salınır, su hövzələrində abadlıq işləri görülür, su ilə bağlı müxtəlif şənliklər keçirilir.

Su çərşənbəsi suya tapınma inamı ilə bağlıdır. Hələ gün doğmamışdan hamı su üstünə gedir, əl-üzünü yuyur, bir-birinin üzərinə su çiləyir, su üstündən atlanır, yaralıların yarasına su çiləyirlər. Xalqın inancına görə, Su çərşənbəsi günü "təzə su"dan keçənlər, azarını, bezarını ona verənlər il boyu xəstəlikdən uzaq olarlar. Həmin gün su üstündə müxtəlif mərasimlər keçirilir, qədim türklərdə su tanrıları sayılan Aban və Yadanın şərəfinə nəğmələr oxunur.

Bu il martın 2-də Od, martın 9-da Yel çərşənbəsi olacaq. Novruzun ilaxır - Torpaq çərşənbəsi isə martın 16-də qeyd ediləcək. Yaz fəsli ölkəyə martın 20-də, Bakı vaxtı ilə saat 13:37:00-da daxil olacaq.

Xəbər lenti
0