10:09 30 May 2020
Canlı yayım
  • USD1.7000
  • RUB0.0274
  • EUR1.9035
Tarixdə Bu Gün
Qısa URL
6010

Bu il martın 3-də Od, martın 10-da Yel çərşənbəsi olacaq. Novruzun ilaxır - Torpaq çərşənbəsi isə martın 17-də qeyd ediləcək

BAKI, 25 fevral — Sputnik. Bu gün Novruz bayramının ilk çərşənbəsi - Su çərşənbəsidir.

Sputnik Azərbaycan bildirir ki, onu "Yalançı", "Əzəl çərşənbə", "Sular Novruzu" da adlandırırlar. Su çərşənbəsində su və su mənbələri təzələnir, arxlar qaydaya salınır, su hövzələrində abadlıq işləri görülür, su ilə bağlı müxtəlif şənliklər keçirilir.

Su çərşənbəsi suya tapınma inamı ilə bağlıdır. Hələ gün doğmamışdan hamı su üstünə gedir, əl-üzünü yuyur, bir-birinin üzərinə su çiləyir, su üstündən atlanır, yaralıların yarasına su çiləyirlər. Xalqın inancına görə, Su çərşənbəsi günü "təzə su"dan keçənlər, azarını, bezarını ona verənlər il boyu xəstəlikdən uzaq olarlar. Həmin gün su üstündə müxtəlif mərasimlər keçirilir, qədim türklərdə su tanrıları sayılan Aban və Yadanın şərəfinə nəğmələr oxunur.

Bu il martın 3-də Od, martın 10-da Yel çərşənbəsi olacaq. Novruzun ilaxır - Torpaq çərşənbəsi isə martın 17-də qeyd ediləcək. Yaz fəsli ölkəyə martın 20-də, Bakı vaxtı ilə saat 07:49:36-da daxil olacaq.

Əlaqədar

Novruzun ilk müjdəçisi: Xıdır Nəbi bərəkət paylayır - VİDEO - FOTO
Novruz çərşənbələrinin vaxtı açıqlandı
Amerikalılar Azərbaycan şəkərburası hazırlamağı öyrənirlər
Novruz bayramında qeyri-iş günlərinin sayı açıqlandı
İki okeanın övladları Bakıda: "Evdə qeyd etmirdik, amma indi xonça qururuq"

Əsas mövzular