15:19 19 Avqust 2019
Canlı yayım
  • USD1.7000
  • RUB0.0256
  • EUR1.8856
Təzə Pir məscidində bayram namazı

Bu gün Azərbaycanda Qurban bayramı qeyd olunur

© Sputnik / Murad Orujov
Tarixdə Bu Gün
Qısa URL
21 0 0

Qurban kəsilən heyvanın ətindən kasıb ailələrə paylamaq gərəkdir ki, onlar da bayram ab-havasını yaşasınlar

BAKI, 12 avqust — Sputnik. Bu gün Azərbaycan Respublikasında Qurban bayramı qeyd olunur.

Qafqaz Müsəlmanları İdarəsinin (QMİ) mətbuat xidmətindən Sputnik Azərbaycan-a verilən məlumata görə, bayram namazı bu gün saat 08:00-da Əjdərbəy məscidində qılınacaq.

 Bayram namazı eyni zamanda saat 09:00-da Təzə Pir məscidində və ölkənin digər məscidlərində qılınacaq.

Bayramla əlaqədar avqustun 12-si və 13-ü ölkədə qeyri-iş günüdür.

Qurban bayramı İslam aləmində ən müqəddəs bayramlardan biridir. Bütün müsəlman aləmində hər il hicri təqvimi ilə zilhiccə ayının 10-cu günündən başlayır və adətən üç gün davam edir. Mərasimlərdə qoç, inək, dana və ya dəvə kəsilir.

Qurban kəsilən heyvanın ətindən kasıb ailələrə paylamaq gərəkdir ki, onlar da bayram ab-havasını yaşasınlar.

Dövlət qurumundan qurban kəsənlərə daha bir güzəşt>>

Nəsil artımında dişi heyvanların müstəsna rolu olduğuna görə qurbanlıq heyvanın erkək olması daha üstün tutulur. Qurbanlıq qoçun yaşına gəlincə, bu, ən azı bir illik heyvan olmalıdır. Dananın iki, dəvənin isə beş yaşı tamam olsa, daha yaxşıdır. Qurban bayramında kəsilən heyvanın sağlam olması da vacib şərtdir. Əzalarında hər hansı nöqsanı olan, buynuzunun, yaxud qulağının biri olmayan, axtalanmış heyvanın qurban kəsilməsi İslamda məsləhət görülmür. Kəsiləcək qurbanlıq gözəgəlimli olmalıdır.

Azərbaycan müstəqillik əldə etdikdən sonra Milli Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında" Qanununa əsasən, Qurban bayramı Azərbaycanda da dövlət səviyyəsində bayram edilir.

Əlaqədar

Agentlik Qurban bayramında əhalini sevindirəcək
Nazir Qurban bayramı ilə bağlı əmr imzaladı
Nazirlik Qurban bayramı ilə əlaqədar yeniliklər edəcək
Hansı yerlərdə qurban kəsmək qadağandır - AQTA rəsmisinin açıqlaması
Teqlər:
qurbanlıq heyvanlar, "Əjdərbəy" məscidi, "Təzəpir" məscidi, bayram namazı, Qurban bayramı

Əsas mövzular