BAKI, 4 iyul — Sputnik. 1992-ci il iyulun 4-də Azərbaycan Milli Ordusunun hissələri Dağlıq Qarabağın şimalında aparılan hərbi əməliyyat gedişində keçmiş muxtar vilayətin Mardakert (Ağdərə) rayon mərkəzini erməni hərbi birləşmələrindən azad ediblər.
Ağdərə rayonunun böyük bir hissəsinin nəzarətə götürülməsi nəticəsində Azərbaycan ordusu Qarabağ müharibəsində ciddi mövqe üstünlüyü əldə etdi.
Lakin hərbi-strateji baxımdan qeyri-peşəkar və darmacalda hazırlanıb həyata keçirilən əməliyyat tezliklə əks nəticə doğurdu. 1992-ci ilin payızından Azərbaycan Qarabağda itkilərlə üzləşdi, Ağdərə rayonu isə 1993-cü il fevralında qismən, iyunda isə bütünlüklə erməni qüvvələrinin əlinə keçdi.
