BAKI, 28 yan — Sputnik. 1992-ci il yanvarın 28-də Qarabağ müharibəsinin gedişində erməni silahlı qüvvələri Azərbaycanın dinc əhalisinə qarşı daha bir dəhşətli terror aktı həyata keçiriblər. Həmin gün Ağdam-Şuşa marşrutu ilə uçan "Mİ-8" sərnişin vertolyotu Xankəndindən atılmış "yer-hava" tipli raketlə vurulub.
Vertolyotdakı 44 nəfərin hamısı həlak olub. Bu hadisə dünya aviasiya tarixində ən böyük mülki vertolyot qəzalarından sayılır.
