01:11 13 Noyabr 2018
Canlı yayım
  • USD1.7000
  • RUB0.0252
  • EUR1.9245
Rejissor Eldar Quliyev

"Bir cənub şəhərində"

© Foto: Milli
Tarixdə Bu Gün
Qısa URL
10111

Azərbaycan Dövlət Mədəniyyət və İncəsənət Universitetinin kino kafedrasının professoru, Bakı Beynəlxalq Multikulturalizm Mərkəzi Himayəçilik Şurasının üzvü Eldar Quliyevin ad günüdür

BAKI, 18 yan — Sputnik. Görkəmli rejissor Eldar Quliyev 18 yanvar 1941-ci ildə Bakıda anadan olub.

1960-1966-ci illərdə Moskvada ÜDKİ-nun rejissorluq fakültəsində, Sergey Gerasimovun kursunda təhsil alıb. 1967-ci ildən "Azərbaycanfilm" kinostudiyasında işləyir. “Biri vardı, biri yoxdu…” adlı ilk qısametrajlı filmini çəkib. Kifayət qədər tanınmış bədii və sənədli filmin müəllifidir. 1969-cu ildə ilk böyük ekran əsəri olan “Bir cənub şəhərində” filmi ilə özünü təsdiqləyib və bu filmlə Azərbaycan kinosunda yeni bir mərhələnin təməlini qoyub.

1979-cu ildə "Babək" filmini çəkir və bu film professionallıq səviyyəsinə, kütləvi və batal səhnələrin miqyasına görə heç də xaricdə istehsal olunan bu tipli filmlərdən geri qalmırdı. Həmin illərdə “Babək” filmi 52 ölkə tərəfindən satın alınıb. Bunlarla yanaşı, “Ən vacib müsahibə”, “Var olun, qızlar…”, “Ürək… Ürək…”, “Nizami”, “Nə gözəldir bu dünya…”, “Girov”, ”İstanbul reysi”, "Dərvişin qeydləri" və s. filmlərə quruluş verib.

Həmçinin, bir neçə filmin ssenari müəllifidir. Çəkdiyi filmlərin bir neçəsi kinofestivallarda priz və mükafatlara layiq görülüb. "Debüt" studiyasının bədii rəhbəri, Azərbaycan Dövlət Mədəniyyət və İncəsənət Universitetində kino kafedrasının professorudur.

Eldar Quliyev öz bilik və təcrübəsini cavanlara ötürməyi, 1987-ci ildən “Debüt” Eksperimental Gənclik yaradıcılıq studiyasının rəhbəri kimi isə neçə-neçə gəncə yardımçı olmağı özünə borc bilir.

Professional Kinorejissorlar Gildiyasının ən fəal yaradıcılarından olan Eldar Quliyev Gildiya yaradılan gündən indiyədək qurumun prezidentidir.

Teqlər:
qısametrajlı film, Kinorejissor, Dərvişin qeydləri, İstanbul reysi, Bir cənub şəhərində, Biri vardı, biri yoxdu, "Babək" filmi, Var olun, qızlar, Ən vacib müsahibə, Professional Kinorejissorlar Gildiyası, Azərbaycan Dövlət Mədəniyyət və İncəsənət Universiteti, "Azərbaycanfilm" kinostudiyası, Debüt” Eksperimental Gənclik yaradıcılıq studiyası, Sergey Gerasimov, Eldar Quliyev, Bakı

Əsas mövzular