Sankt-Peterburq, AVRO-2020 Futbol Çempionatının təşkilatçısı olan ən populyar şəhərlərin reytinq siyahısına başçılıq edir.
Onlayn səyahət rezervasiya xidmətinin araşdırmasının nəticələrinə görə, Sankt-Peterburq AVRO-2020 matçlarının keçirildiyi dövr üzrə azarkeşlərin ən çox qalmağa yer axtardığı şəhərdir. Populyarlıq reytinqinin ikinci və üçüncü sırasında Roma və Kopenhagen qərarlaşıb. Bu reytinqdə dördüncü yeri Bakı tutub. İlk beşliyi isə Dublin qapadıb.
Xidmətin yaydığı relizdə qeyd olunub ki, 13 iyun tarixində Danimarka və Finlandiya yığmalarının oynayacağı Kopenhagen ən çox qalmaq üçün yerin tələb olunduğu şəhərdir. Səyyahlar Bakıdakı (13 iyun, Uels - İsveçrə) və Sankt-Peterburqdakı (17 iyun, Finlandiya - Rusiya) oyunlara da xüsusi maraq göstəriblər. Sankt-Peterburqun reytinqdə iki dəfə xatırlandığı diqqətə çatdırılıb. Rusiya və Belçika milli komandaları arasında iyunun 13-də Nevada şəhərdə keçiriləcək görüş də azarkeşləri maraqlandırır. Bura ən populyar matçların keçiriləcəyi yerlərin siyahısında doqquzuncu pilləyə yerləşdirilib.
UEFA AVRO-2020-nin millilərinin məşq bazalarının siyahısını açıqladı
AVRO-2020-nin keçirildiyi dövr ərzində ev sahibi olacaq şəhərlərdə yerləşmək üçün ən çox sifarişlər İngiltərə, Finlandiya və İsveç sakinləri tərəfindən verilib. Almaniya və Rusiyadan olan səyyahlar da artıq qarşıdakı turnirin keçiriləcəyi paytaxtlarda otellər və ya alternativ yaşayış yeri variantları axtarırlar: onlar reytinqdə dördüncü və beşinci yerləri tuturlar.
Booking.com tərəfindən aparılan qlobal araşdırmaya görə, təkcə keçən il anket sorğuda iştirak edən rusiyalı azarkeşlərin 93% -i komandalarının oyunlarını izləmək üçün birdən beşədək səyahət planlaşdırıblar.
AVRO-2020 çempionatının oyunları iyunun 12-dən iyulun 12-dək Avropanın 12 şəhərində - Sankt-Peterburq, Münhen, Roma, Bakı, Buxarest, Budapeşt, Kopenhagen, Amsterdam, Bilbao, Dublin, Qlazqo, eləcə də yarımfinal və final oyunlarına ev sahibliyi edəcək Londonda keçiriləcək. Sankt-Peterburqda qrup mərhələsinin üç görüşü və bir dörddəbir final keçiriləcək.
