BAKI, 17 mart — Sputnik. Cari ilin iki ayında Azərbaycandan 57.50 min ABŞ dolları dəyərində diri heyvan ixrac olunub. Sputnik Azərbaycan xəbər verir ki, bu barədə Dövlət Gömrük kmitəsiin idxal və ixracla bağlı iki aylıq hesabatında məlumat qeyd olunub. Bildirilib ki, eyni dövrdə Azərbaycana 4 422 54 min ABŞ dolları dəyərində diri heyvan idxal olunub.
Komitənin məlumatına görə, bu müddətdə 13.19 min ABŞ dolları dəyərində ət və qida üçün yararlı ət əlavələri ixrac edilib. Bu müddətdə 10 191 98 min ABŞ dolları dəyərində ət və qida üçün yararlı ət əlavələri idxal edilib.
Ümumilikdə 2021-ci ilin iki ayında 6 044.71 ton ət idxal olunub. İxrac əməliyyatlarında yer alan əsas ölkələr İtaliya, Türkiyə və Hindistan olub. İdxal əməliyyatlarında yer alan əsas ölkələr isə Rusiya, Türkiyə və Çin olub.
