CƏMİYYƏT
Cəmiyyətin həyatında baş verən aktual hadisələr

Bakı-Tbilisi-Qars dəmir yolu ilə Türkiyədən Rusiyaya ilk qatar yola düşüb

© Azerbaijan Railways CJSCСтроительство железной дороги, фото из архива
Строительство железной дороги, фото из архива - Sputnik Azərbaycan
Abunə olmaq
Qatar Bakı-Tbilisi-Qars dəmir yolu və "Şimal-Cənub" Nəqliyyat Dəhlizi vasitəsilə Türkiyə, Gürcüstan və Azərbaycan ərazisindən keçərək Rusiya ərazisinə daxil olacaq

BAKI, 29 yanvar — Sputnik. Azərbaycan, Türkiyə və Rusiya arasında dəmir yolu sahəsində üçtərəfli əməkdaşlıq formatında daha bir layihəyə başlanılıb. Bu dəfə Türkiyədən Rusiyaya ixrac yüklərindən ibarət konteyner qatarı yola salınıb.

Грузовики, фото из архива - Sputnik Azərbaycan
İQTİSADİYYAT
Vüsal Qasımlı: Regional kommunikasiyaların açılması iqtisadi arxitekturanı dəyişəcək

"ADY Konteyner" MMC-dən Sputnik Azərbaycan-a bildirilib ki, 15 konteynerdən ibarət qatar Türkiyənin Ankara şəhərindən Rusiyanın Vorsino stansiyasına istiqamət götürüb. Qatarın ümumilikdə 4650 kilometrlik polad magistralı 8 günə qət edəcəyi gözlənilir. 40 futluq konteynerlərdən ibarət olan qatarın yükü, əsasən, Türkiyə istehsalı olan məişət əşyalarıdır. Yükün ümumi çəkisi isə 150 tondur.

Qatar Bakı-Tbilisi-Qars dəmir yolu və "Şimal-Cənub" Nəqliyyat Dəhlizi vasitəsilə Türkiyə, Gürcüstan və Azərbaycan ərazisindən keçərək Rusiya ərazisinə daxil olacaq.

Daşımanın operatorları "Pasifik Eurasia Logistics" (Türkiyə), "GR Logistics" (Gürcüstan), "ADY Konteyner" (Azərbaycan) və Rusiyanın "Russian Railways Logistics" şirkətləridir.

Qeyd edək ki, ötən ilin sonunda Türkiyədən Çinin Sian şəhərinə 2 ixrac qatarı çatdırılıb.

Xəbər lenti
0