BAKI, 31 may — Sputnik. "Ölkədə işsizlərlə bağlı statistikanın dəqiqləşdirilməsinə ehtiyac var". Sputnik Azərbaycan xəbər verir ki, bu təkliflə Milli Məclisin bu gün keçirilən plenar iclasında millət vəkili Əli Məsimli çıxış edib.
"190 manatlıq birdəfəlik ödəniş əvvəlcə 200 min adama, daha sonra isə 600 min adama şamil edildi. Amma bu da son rəqəm deyil. Ona görə də təklif edirəm ki, statistika yenidən işlənib hazırlansın", - deyə millət vəkili bildirib.
Deputat onu da əlavə edib ki, aidiyyəti qurumlar 190 manatlıq birdəfəlik ödənişin iyun ayında da verilməsini nəzərə alsın.
