BAKI, 21 aprel — Sputnik. Aprelin 21-də Azərbaycan Mərkəzi Bankında (AMB) Dövlət Neft Fondunun iştirakı ilə növbəti valyuta hərracı keçirilib.
AMB-dən Sputnik Azərbaycan-a məlumat veriblər ki, hərracda tələb 38,8 milyon ABŞ dolları təşkil edib və tam təmin olunub.
Hərracda manatın ortaçəkili məzənnəsi 1,7000 səviyyəsində formalaşıb.
Qeyd edək ki, bu gün keçirilən hərracda tələb azalıb. Belə ki, 16 aprel 2020-ci il tarixində Mərkəzi Bankda Dövlət Neft Fondunun iştirakı ilə növbəti valyuta hərracı keçirilib. Hərracda tələb 53 mln. ABŞ dolları təşkil edib və tam təmin edilib.
