08:21 03 Aprel 2020
Canlı yayım
  • USD1.7000
  • RUB0.0274
  • EUR1.9035
İQTİSADİYYAT
Qısa URL
73120

"Ölkəmizdə insanların asudə vaxtı var, dincəlmək üçün onların çoxu üz tutur Gürcüstana. Biz beləcə həm daxili, həmçinin də xaricdən gələn azbüdcəli turistləri itiririk"

Zülfiyyə Quluyeva, Sputnik Azərbaycan

BAKI, 28 fevral — Sputnik. Azərbaycanda nəhayət ki, turizm sahəsində kiçik sahibkarlara dəstək veriləcək. Dövlət Turizm Agentliyi regionlarda orta və az büdcəli otellərin inşa edilməsini dəstəkləyir. 

Bunu Agentliyin mətbuat xidmətinin rəhbəri Kənan Quluzadə deyib. Onun sözlərinə görə, burada söhbət daha çox 3 ulduzlu otellərdən gedir. K.Quluzadə artıq bununla bağlı təkliflərin də hazırlandığını bildirib: "Bunun üçün paket şəkilində təkliflər hazırlanıb və digər strukturlarla müzakirə edilir. Burada investorlar üçün daha əlverişli şərait yaradılması məsələsi əksini tapıb. Yəni ki, investorlara həm vergi güzəştləri, həm kreditləşmədə güzəştlərin olması məsələsi müzakirə olunur".

Qeyd edək ki, ölkəmizdə azulduzlu otellərin, yerləşmə yerlərinin azlığı uzun illərdir ki, problem olaraq qalır. Turizmin inkişaf etdiyi bölgələrdə ancaq çoxulduzlu otellərin tikilməsi turizm xidmətlərinə əlçatanlığı azaldır. Nəticədə həm daxildəki, həm də xaricdəki azbüdcəli turistlər turizmin ucuz olduğu ölkələrə üz tuturlar. DAİR Otellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a açıqlamasında bildirib ki, azulduzlu otellərin inşasının dəstəklənməsi turizmin inkişafı baxımından vacibdir: "Biz uzun illərdir ki, bu haqda danışırıq. Kənd təsərrüfatında kiçik sahibkarlığın dəstəklənməsi üçün alətlər var. Onlara güzəşli kreditlər, subsidiyalar verilir. Amma turizmdə bu cür iqtisadi alətlər yoxdur.

Ölkəmizin turizmin inkişaf etdiyi bölgələrində ancaq çoxulduzlu otellər inşa olunub. Bizdə hədəf əsasən bahalı turistləri cəlb etməkdir. Bu isə turizmi inkişafdan saxlayır. Biz ancaq bahalı turistləri nəzərdə tutub otel inşa edə bilmərik. Bizə azbüdcəli turistlər də lazımdır.

Ölkəmizdə insanların asudə vaxtı var, dincəlmək üçün onların çoxu üz tutur Gürcüstana. Biz beləcə həm daxili, həmçinin də xaricdən gələn azbüdcəli turistləri itiririk. Çox yaxşı olardı ki, turizmin inkişaf etdiyi bölgələrimizdə azulduzlu otellər və yerləşmə yerləri inşa edilsin".

S.Dübəndi deyir ki, az ulduzlu otellərin inşası üçün dəstək mexanizminin yaradılması vacibdir: "Çox istərdik ki, bu məsələ ilə bağlı məsləhətləşmələr olsun, biz də öz təkliflərimizi verək".

Qeyd edək ki, Dövlət Statistika Komitəsinin Azərbaycandakı illik və aylıq inflyasiya ilə bağlı məlumatında da ötən ilin dekabr ayı ilə müqayisədə cari ilin yanvar ayında əhaliyə göstərilən ödənişli xidmətlərdən otel və mehmanxanalar tərəfindən göstərilən gecələmə xidmətlərinin, ictimai iaşə xidmətlərinin qiymətlərində bahalaşma olduğu bildirilir. Məlumat üçün onu da qeyd edək ki, hazırda Azərbaycanda 649 otel fəaliyyət göstərir. Ondan 44-ü ötən il açılıb. Onun 32-si Bakıda, 12-si regionlarda fəaliyyətə başlayıb.

Dövlət Turizm Agentliyindən bildirilib ki, ölkəmizdə otel və hostellərin tikilməsi prosesi davam edir.

Əlaqədar

Təhlükə qapının o üzündədir – Kandarı açıb keçməməsi üçün çox şey qurban gedəcək
Otellərə ulduzların verilməsi qaydaları açıqlandı
Heç olmasa bir məsələdə yaponlar kimi ola bilərik və bundan çoxlu pul qazanarıq
Məcburi deyil, tövsiyə olunur - Amma gördüyünüz işi bilsəniz, sizə tələbat da artacaq
"Arvad-kişi" məsələsi turizmə də sızdı: yeni kodeksdə nələr var?

Əsas mövzular