Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Bakıya yeni təyyarələr gətirilir

© Photo : Facebook / Azerbaijan Airlines - AZALПассажирский самолёт AZAL, фото из архива
Пассажирский самолёт AZAL, фото из архива - Sputnik Azərbaycan
Abunə olmaq
AZAL-ın gələcək planlarına "Boeing" və "Airbus" kimi aparıcı istehsalçılardan 20-dən artıq yeni nəsil təyyarənin əldə edilməsi daxildir

BAKI, 3 dekabr — Sputnik. Azərbaycan Milli aviadaşıyıcısının donanmasına xeyli sayda yeni model təyyarələr daxil olacaq. Bu barədə Sputnik Azərbaycan-a "Azərbaycan Hava Yolları" QSC-nin mətbuat xidmətindən məlumat verilib.

Пассажиры на территории аэропорта Гейдара Алиева в Баку - Sputnik Azərbaycan
CƏMİYYƏT
AZAL-ın təyyarəsində problem yarandı, uçuş 12 saat ləngidi

Bildirilib ki, Azərbaycan Milli aviadaşıyıcısı marşrut şəbəkəsinin genişləndirilməsi proqramı ilə əlaqədar donanmasında təyyarə sayını xeyli artırmağı planlaşdırır.

Xüsusilə, AZAL-ın gələcək planlarına "Boeing" və "Airbus" kimi aparıcı istehsalçılardan 20-dən artıq yeni nəsil təyyarənin əldə edilməsi daxildir.

"Boeing" korporasiyası ilə iki ədəd "Boeing 777" geniş füzelyajlı təyyarənin alınması ilə bağlı razılıq artıq imzalanıb. Bu laynerlər Azərbaycan Milli aviadaşıyıcısının donanmasında yeni model təyyarə olacaq. Yeni hava gəmilərinin 2021-2022-ci illərdə "Azərbaycan Hava Yolları"nın uzaq məsafəli yeni istiqamətlərində istifadə olunacağı gözlənilir.

"Biz "Boeing" korporasiyası ilə münasibətlərimizi daha da inkişaf etdirməyi planlaşdırırıq, həmçinin səkkiz ədəd "Boeing 787 Dreamliner" və üç ədəd "Boeing 777" təyyarəsini əldə etmək imkanlarını da nəzərdən keçiririk. Bu qərar uzaq məsafəli uçuşlarımızın coğrafiyasını genişləndirməyə imkan yaradacaq", - AZAL prezidenti Cahangir Əsgərov bildirmişdir.

Sözügedən hava gəmilərinin əldə edilməsi ilə bağlı məsələlər Cahangir Əsgərovun aviakorporasiyanın Sietldəki baş ofisinə işgüzar səfəri çərçivəsində "Boeing"in prezidenti ilə müzakirə olunacaq.

Tailandın hökmdarı Maxa Vaciralonqkorn (X Rama) rəsmi tacqoyma mərasimində - Sputnik Azərbaycan
Tailandlı stüardessa öz arzusuna çatdı

Bundan əlavə, AZAL aviaşirkəti aparıcı Avropa aviaistehsalçısı "Airbus" ilə Azərbaycana 10 ədəd yeni nəsil "Airbus A320Neo" təyyarələrinin çatdırılması ilə bağlı danışıqlar aparır. Özünü doğrultmuş bu orta magistrallı sərnişin təyyarələri populyar "Airbus A320" laynerinin təkmilləşdirilmiş versiyası olub, yeni nəsil mühərriklər, təkmilləşdirilmiş göyərtə sistemləri və daha geniş qanad ucluqlarına malikdir. "Airbus" artıq bu təyyarə ilə bağlı dünyanın müxtəlif aviaşirkətlərindən 7000-dən çox sifariş almışdır.

Ətraflı məlumat ictimaiyyətə danışıqlar yekunlaşdıqdan sonra təqdim olunacaq.

Xəbər lenti
0