18:10 18 İyul 2019
Canlı yayım
  • USD1.7000
  • RUB0.0270
  • EUR1.9102
Mikayıl Cabbarov

Nazir vergi sistemində yeni hədəfləri açıqlayıb

© Sputnik / Murad Orujov
İQTİSADİYYAT
Qısa URL
90 0 0

Mikayıl Cabbarov: "Orta və kiçik sahibkarlıq subyektləri ilə iş prinsiplərinn təkmilləşdirilməsi vacibdir"

BAKI, 14 fevral — Sputnik. "Vergi sistemində şəffaflığın təmin edilməsi, vergi inzibatçılığında rəqəmsal texnologiyalardan daha geniş istifadə olunması, vergi qanunvericiliyinin tətbiqi sahəsində vergi nəzarətinin və auditin keyfiyyətinin yüksəldilməsi, habelə vergi işçilərinin peşəkarlıq səviyyəsinin artırılması əsas prioritet istiqamətlər olacaq".

Sputnik Azərbaycan xəbər verir ki, bu barədə vergilər naziri Mikayıl Cabbarov 2018-ci ilin yekunlarına dair keçirilmiş kollegiya iclasında açıqlama verib. O qeyd edib ki, orta və kiçik sahibkarlıq subyektləri ilə iş prinsiplərinin təkmilləşdirilməsi vacibdir.

"Vergi siyasətinin əsas vəzifələrindən biri hər bir kateqoriyadan olan vergi ödəyicilərinə fərdi yanaşmalar formalaşdırmaqdır. İri vergi ödəyiciləri ilə iş prinsipində geniş analitik təhlilə və risklərin qiymətləndirilməsi sisteminə əsaslanan siyasətin yürüdülməsinə, elektron auditin tətbiqi siyasətinə üstünlük verilməsinə, orta sahibkarlıq subyektlərinə münasibətdə "kölgə iqtisadiyyatı"nın elemetlərinin aradan qaldırılmasına, kiçik sahibkarlara münasibətdə isə dürüst və şəffaf vergi uçotunun formalaşdırılmasının təmin olunmasına, sahibkarlıq subyektlərinin öz dövriyyələrini leqallaşdırmağa təşviq edilməsinə, xidmət sektorunun genişləndirilməsi və maarifləndirmənin aparılmasına üstünlük verilməlidir" - deyə nazir bildirib.

Onun sözlərinə görə, kiçik sahibkarlar arasında könüllü əməletmə səviyyəsini yüksəltmək məqsədilə onların təqdim etdiyi hesabatlılıq sisteminin sadələşdirilməsinə ehtiyac var.

Əlaqədar

Vergi güzəştləri ilə bağlı yeni təklif var
Spirtli içki və tütün məhsullarının satışında vergi tələbləri sərtləşdirilə bilər
"QHT sektorunun cəlb etdiyi işçilər artıq gəlir vergisi ödəyicisi olacaqlar”
Vergilərə dəyişikliklərin QHT-lərə hansı təsirləri olacaq - Auditor açıqladı
Teqlər:
sahibkar, Mikayıl Cabbarov, nazir, vergi

Əsas mövzular