Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Neft Fondunun vəsaitlərindən əldə olunan gəlir açıqlandı

Abunə olmaq
Səkkiz ildə Azərbaycan gənclərinin xaricdə təhsilinə 5 milyon manat vəsait xərclənib

BAKI, 17 oktyabr — Sputnik. Azərbaycan Respublikası Dövlət Neft Fondu (ARDNF) 2018-ci ilin yanvar–sentyabr ayları ərzində ARDNF-nin büdcə gəlirlərinin 14 437,2 milyon manat, büdcə xərclərinin isə 8 005,9 milyon manat təşkil etdiyini bildirib.

Bu barədə Sputnik Azərbaycan-a AR Dövlət Neft Fondundan məlumat verilib.

Məlumatda bildirilir ki, 2018-ci ilin yanvar–sentyabr ayları ərzində ARDNF-nin neft və qaz sazişlərinin həyata keçirilməsi ilə bağlı gəlirləri 13 441,6 milyon manat, o cümlədən mənfəət neftinin və qazın satışından 12 658,1 milyon manat, bonus ödənişləri 765,2 milyon manat, akrhesabı ödənişləri 4,1 milyon manat, tranzit gəlirləri 14,2 milyon manat təşkil edib. 

İqtisadçı-ekspert Natiq Cəfərli - Sputnik Azərbaycan
Neft nə vaxta kimi bahalaşmağa davam edəcək - Ekspert şərhi

Hesabat dövrü ərzində ARDNF-nin vəsaitlərinin idarə olunmasından əldə edilən gəlirlər 995,6 milyon manata bərabər olub.

Hesabat dövrü ərzində ARDNF-nin 2018-ci il büdcəsinin icrası çərçivəsində 7 788,0 milyon manat vəsait dövlət büdcəsinə transfer edilib.

Qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 138,6 milyon manat, Samur-Abşeron suvarma sisteminin yenidən qurulmasına 41,7 milyon manat, Bakı-Tbilisi-Qars yeni dəmir yolu layihəsinin maliyyələşdirilməsinə 16,7 milyon manat vəsait ayrılıb.

"2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın maliyyələşdirilməsinə 5 milyon manat vəsait yönəldilib.

2018-ci ilin yanvar-sentyabr ayları ərzində ARDNF-nin idarə edilməsi ilə bağlı xərcləri 15,9 milyon manat təşkil edib.

Valyuta məzənnələrinin dəyişməsindən yaranan fərq ilə bağlı ARDNF-nin büdcədənkənar xərci 968,7 milyon manat olub. 

Neft nasosu və tankerlər - Sputnik Azərbaycan
İQTİSADİYYAT
Neft yenə fontan vurur: Qiyməti 100 dolları keçəcək

2018-ci il oktyabrın 1-ə ARDNF-nin aktivləri 2018-ci ilin əvvəlinə (35 806,5 milyon ABŞ dolları) nisbətən 8,88% artaraq 38 987,7 milyon ABŞ dollarına bərabər olub. Aktivlərin artımı Fondun büdcə gəlirləri, o cümlədən vəsaitlərin idarə edilməsindən əldə edilən gəlirlər hesabına olub.

ARDNF aktivlərinin məbləği və artım dinamikası rəsmi rəqəmlərə görə belədir (milyard dollarla): 2010-cu il – 22,8 (artım — 52,79%); 2011-ci il – 29,8 (artım — 30,89%); 2012-ci il – 34,1 (artım — 14,53%); 2013-cü il – 35,9 (artım —5,12%): 2014-cü il — 37,1 (artım —3,42%); 2015-ci il — 33,5 (azalma – 9,5%); 2016-cı il- 33,147 (azalma – 1,1%) və 2017-ci il — 35,8 (artım —8%).

ARDNF 29 dekabr 1999-cu ildə Azərbaycan Respublikasının Prezidenti Heydər Əliyevin fərmanı ilə yaradılıb.

Xəbər lenti
0