23:00 19 Yanvar 2018
Canlı yayım
Qaz yatağı

Hasilat başlayır: Sentyabrda qaz pulları gəlməyə başlayacaq

© Sputnik / Ramil Sitdikov
İQTİSADİYYAT
Qısa URL
187 0 0

“Şahdəniz” yatağının işlənməsinin II mərhələsində ilk qazın hasilatına 2018-ci il sentyabrın 20-də başlanması gözlənilir

BAKI, 13 yanvar — Sputnik. Xəzər dənizinin Azərbaycan sektorunda yerləşən “Şahdəniz” yatağının işlənməsinin II mərhələsində ilk qazın hasilatına 2018-ci il sentyabrın 20-də başlanması gözlənilir. Sputnik Azərbaycan “Report”a istinadən xəbər verir ki, bu barədə “Natural Gas World” nəşrinə Azərbaycan Dövlət Neft Şirkətindən (SOCAR) məlumat verilib.

Məlumata görə, bu il hasil ediləcək qazın həcmi o qədər də çox olmayacaq. Lakin artıq 2019-cu il üçün bu yataqdan əlavə 2 mlrd. kubmetr qaz çıxarılması nəzərdə tutulub.

Xatırladaq ki, "Şahdəniz" yatağı Bakıdan 70 km cənub-şərqdə, suyun dərinliyinin 50-500 metr arasında dəyişdiyi Xəzər dənizinin şelf zonasında yerləşir. Yatağın ehtiyatları 1,2 trln. kubmetr qaz həcmində qiymətləndirilir. Yataq dünyanın ən iri qaz və qaz-kondensat yataqlarından hesab olunur.

"Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub. Layihədə BP (operator — 28,8%), "AzSD" (10%), "SGC Upstream" (6,7%), "Petronas" (15,5%), "LUKoil" (10%), NICO (10%) və TPAO (19%) şirkətləri iştirak edir.

Əlaqədar

Bakının böyük bir ərazisində təbii qaz verilişi dayandırılıb
Diqqət: Qaz tarifinin hesablanması ilə bağlı açıqlama verildi - VİDEO
Mənzillərə verilən təbii qaz kəsiləcək
Kəmər partladı: Avropa qazsız qaldı
Bakının bir neçə qəsəbəsi qazsız qalıb
Teqlər:
Şahdəniz” yatağı, pay bölgüsü, Xəzər dənizi, qaz, hasilat

Əsas mövzular