00:33 26 Sentyabr 2017
Canlı yayım
Milli Məclis

Milli Məclisdə ciddi narazılıq: böyük problem yaşanır

© Sputnik / Murad Orujov
İQTİSADİYYAT
Qısa URL
1946 0 0

Millət vəkili: "Banklarda vaxtı keçmiş kreditlərin həcmi azalmaq əvəzinə artır"

BAKI, 15 sentyabr — Sputnik. "Maliyyə Bazarlarına Nəzarət Palatası yaradılandan sonra hesab edirdim ki, Palata banklarla ciddi məşğul olacaq, bankların borcları, likvidlik, kredit portfeli ilə bağlı məsələləri həll edəcək. Çox təəssüflər olsun ki, biz bunu görmədik".

Milli Məclisin deputatı Vahid Əhmədov
© Foto: REPORT IA
Milli Məclisin deputatı Vahid Əhmədov

Sputnik Azərbaycan xəbər verir ki, bu sözləri Milli Məclisin İqtisadi siyasət, sənaye və sahibkarlıq komitəsinin iclasında, deputat Vahid Əhmədov deyib. O bildirib ki, banklarda kredit faizləri yüksək olaraq qalır.

Millət vəkili faiz məsələsinə də diqqət çəkib: "Vətəndaşlara 28-30 faizlə insanlara kredit verirlər. Banklarda vaxtı keçmiş kreditlərin həcmi azalmaq əvəzinə artır. 2016-cı ildə problemli kreditlərin həcmi 1,6 milyard manat idisə, hazırda bu, 1,8 milyard manatı keçib".

"Düzdür, Mərkəzi Bank pul kütləsinə müəyyən nəzarəti həyata keçirir, manatı qoruyub saxlayır. Bu, müsbət haldır. Amma bank sistemində biz niyə sağlamlaşdırmaya nail ola bilmirik. Cənab Prezident də çıxışında demişdi ki, 2016-cı ildə Azərbaycan iqtisadiyyatına ən böyük ziyanı banklar vurub" — V. Əhmədov vurğulayıb.

"Dəfələrlə təklif etmişəm ki, bank sektorunun təmsilçiləri Milli Məclisə dəvət olunsunlar. Onlar bizə məlumat versinlər ki, bu proses nə qədər uzanacaq? Banklarla söhbət edək ki, niyə görə kredit faizləri həddən artıq yüksəkdir? Vaxtı keçmiş kreditlərin həcmi niyə get-gedə artır? Bunu necə siləcəklər? Perspektivdə nəsə varsa, biz də bilək" — o, əlavə edib.

Deputatın sözlərinə görə, bu, Azərbaycan iqtisadiyyatına təsir edən amillərdən biridir: "Əli Məsimli ilə də birlikdə dollarla olan kreditlər barədə təkliflər verdik. Amma atdılar arxa yeşiyə, heç onlara baxan da yoxdur. İnsanlar kreditlərini verə bilmir. Bununla əlaqədar məhkəmələrdə nə qədər iş var. İnsanların maşınların, evlərin, mülklərin əllərindən alırlar, həbs qoyurlar. Biz bu sistemlə əhalini özümüzdən küsdürə bilərik axı".

Əlaqədar

Bank müştərinin bütov maaşına "əl qoyub"
Mərkəzi Bankın sədri dəyişdi
Banklarımız borc öhdəliklərindən qurtulmağa çalışır
Mərkəzi Bank Beynəlxalq Bankın lisenziyasını geri çağırıb
Banklar yeni məzənnələri açıqladı
Banklar dolları bu qiymətə satır
Teqlər:
Maliyyə Bazarlarına Nəzarət Palatası, Vahid Əhmədov, Milli Məclis, banklar, kredit

Əsas mövzular