Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Yeni proqram kooperasiyanın geniş yayılmasına imkan yaradacaq

Abunə olmaq
Azərbaycanda kənd təsərrüfatı kooperasiyasının inkişafına dair 2017-2022-ci illər üçün Dövlət Proqramının icrası kooperasiya hərəkatının geniş yayılmasına, kənd təsərrüfatının inkişafı istiqamətində qarşıya qoyulmuş məqsədlərə nail olmağa imkan yaradacaq

BAKI, 15 iyul — Sputnik. Dövlət başçısının 2017-ci il 14 iyul tarixli Sərəncamı ilə təsdiq edilmiş Azərbaycan Respublikasında kənd təsərrüfatı kooperasiyasının inkişafına dair 2017-2022-ci illər üçün Dövlət Proqramının icrası kooperasiya hərəkatının geniş yayılmasına, kənd təsərrüfatının inkişafı istiqamətində qarşıya qoyulmuş məqsədlərə nail olmağa imkan yaradacaq.

Sputnik Azərbaycan xəbər verir ki, bu, Azərbaycan Respublikasında kənd təsərrüfatı kooperasiyasının inkişafına dair 2017-2022-ci illər üçün Dövlət Proqramında əksini tapıb.

Dövlət Proqramı çərçivəsində görülən işlər kənd yerlərində birgə təsərrüfatçılıq formalarının inkişafına təkan verməklə yanaşı, kooperativ üzvlərinin gəlirlərinin artmasına, həmin təsərrüfatlara investisiyaların cəlb edilməsinə şərait yaradacaq. Bu da kəndlərdə yaşayan əhalinin sosial rifah halının yüksəlməsinə, məşğulluq səviyyəsinin artmasına səbəb olacaq. 

Azərbaycanda 9 mayı ən qeyri-adi formada qeyd edən kənd - Sputnik Azərbaycan
VİDEO
Azərbaycanda 9 mayı ən qeyri-adi formada qeyd edən kənd

Dövlət Proqramının həyata keçirilməsindən gözlənilən əsas nəticələr aşağıdakılardır:

Kooperativlərdə birləşən təsərrüfatların sayının artması; kənd təsərrüfatı kooperativlərinin sayının artması və aqrar-sənaye kompleksində onların rolunun yüksəlməsi; kənd təsərrüfatı kooperativləri üzrə istehsal və satış həcminin artması; kənd təsərrüfatı kooperativlərinin yaranması nəticəsində konsolidə olunmuş torpaq sahələrinin genişlənməsi; xırda təsərrüfatların birləşməsi və müvafiq infrastrukturun yaradılması nəticəsində torpaq sahələrindən səmərəli istifadə edilməsi; habelə kənd təsərrüfatı kooperativlərinin əhatə etdiyi iri torpaq sahələrində müasir irriqasiya sistemlərinin qurulması; kənd təsərrüfatı məhsullarının emalı və ixracının artırılması; kooperativlərdə birləşmiş kənd təsərrüfatı istehsalçılarına ayrılan kreditlərin həcminin artması; kənd təsərrüfatı kooperativlərində əlavə iş yerlərinin yaradılması; kənd yerlərinin dayanıqlı inkişafı üçün əlverişli şərait yaradılması.

Xəbər lenti
0