BAKI, 10 mart — Sputnik. Martın əvvəlindən ilk dəfə olaraq"qara bazar"da manat bahalaşıb.
Sputnik Azərbaycan-ın Fins.az-a istinadən məlumatına görə, fərdi qaydada valyuta satışı ilə məşğul olan şəxslərdən əldə etdiyi məlumatlara əsasən, səhər saatlarında dolların alışı 1.7350 manata satışı isə 1.7500 manata kimi aşağı düşüb. Bu isə manatın 1,1% bahalaşması deməkdir.
Qeyd edək ki, son 10 gündə "qara bazar"da dollar 1.7500 —1.7600 manata alınıb, 1.7700 manata satılırdı. Xatırladaq ki, son valyuta hərracında dollara tələbatın aşağı olması banklarla yanaşı, "qara bazar"da da dolların ucuzlaşmasına səbəb olub.
