18:00 26 Noyabr 2020
Canlı yayım
  • USD1.7000
  • RUB0.0274
  • EUR1.9035
İQTİSADİYYAT
Qısa URL
109 0 0

AMB: FED-in uçot dərəcəsini dəyişməməsi səbəbindən dolların məzənnəsi dünya bazarlarında ciddi möhkəmlənməyib.

BAKI, 17 iyun-Sputnik. ABŞ Federal Ehtiyatlar Sisteminin (FED) qəbul etdiyi qərar gözlənildiyi kimi olmayıb.

Sputnik xəbər verir ki, bu barədə "APA-Economics"in sorğusuna cavab olaraq Azərbaycan Mərkəzi Bankından (AMB) bildirilib.

AMB-nin cavabında qeyd edilib ki, bu səbəbdən dolların məzənnəsi dünya bazarlarında ciddi möhkəmlənməyib.

"Belə qərar ölkəmizin valyuta bazarına gözlənti kimi psixoloji təsir edə bilərdi ki, bunun da iqtisadi əsası yoxdur. Belə ki, Azərbaycan Mərkəzi Bankının elan etdiyi yeni məzənnə rejiminə uyğun olaraq, ABŞ dollarının manata nəzərən məzənnəsi valyuta bazarındakı tələb-təklif nisbətindən asılı olaraq formalaşır. Xarici valyuta bazarındakı tələb-təklif nisbəti isə əsasən tədiyə balansının vəziyyətindən, yəni ölkəyə daxil olan və ölkədən çıxan xarici valyutanın həcmi ilə yanaşı büdcə ehtiyacları üçün neft transferlərinin satışından asılıdır.

Neftin qiyməti Azərbaycanda tədiyə balansı üzrə göstəricilərin uzunmüddətli dinamikasına təsir göstərən mühüm amil olsa da, son zamanlar tədiyə balansının məhsul və xidmət idxalı, qeyri-neft ixracı, birbaşa və portfel investisiyalar kimi digər mühüm komponentlər üzrə də əhəmiyyətli dəyişikliklər baş verməkdədir." — deyə AMB bildirib.

Baş bankın məlumatına görə, ölkədə dedollarizasiya istiqamətində görülən tədbirlər də valyuta tələbatına təsir göstərən mühüm amillərdəndir:

"Aparılan təhlillər göstərir ki, 2015-ci ildə məzənnədə baş vermiş dəyişikliklər ölkənin tədiyə balansına tarazlaşdırıcı təsir göstərməkdədir və manatın ABŞ dollarına nisbətən məzənnəsi yeni məzənnə rejiminə adaptasiya olunmuşdur".

Qeyd edək ki, FED iki günlük iclasın ardından iyunun 15-də uçot dərəcəsini dəyişməyərək 0,25-0,5% səviyyəsində saxlayıb.

Əlaqədar

FED: Bu il uçot dərəcəsi bir dəfə artırılacaq
"FED uçot dərəcəsini artırmasa belə, dollar ucuzlaşmayacaq"
FED uçot dərəcəsini artıracaq
FED-in qərarı manatın dollara nisbətən güclənməsinə səbəb olacaq
Manat bir az da dəyər itirdi
Teqlər:
tələbat, Federal Ehtiyatlar Sistemi, təklif, ABŞ-ın Federal Ehtiyatlar Sistemi, qeyri-neft, Azərbaycan Mərkəzi Bankı, FED, valyuta, dollar, neft

Əsas mövzular