14:35 24 Yanvar 2021
Canlı yayım
  • USD1.7000
  • RUB0.0230
  • EUR2.0695
İQTİSADİYYAT
Qısa URL
10732

Ekspert: Çox güman ki, Azərbaycan Beynəlxalq Bankı böyük özəlləşdirmə siyasətində sınaq-təcrübə funksiyasını yerinə yetirəcək.

BAKI, 24 iyul — Sputnik. Azərbaycan hakimiyyəti ölkə iqtisadiyyatının stimullaşdırılması məqsədi ilə genişmiqyaslı özəlləşmə prosesinə başlaya bilər. 

Bunu Demokratiya və Rifah hərəkatının sədri, iqtisadçı Qubad İbadoğlu öz Facebook səhifəsindəki  yazısında deyib.

Onun sözlərinə görə, 2013-cü ildən başlayaraq, dövlətin büdcə xərcləmələri azalmaqda davam edir.

“Əgər əvvəlki il üzrə qeydə alınan azalma büdcə prioritetlərindəki dəyişikliklə bağlı idisə, cari ildə gözlənilən dəyişikliyi maliyyə sistemində yaranmış və getdikcə ciddiləşən problemlər şərtləndirəcək”, deyə Q.İbadoğlu vurğulayıb.

Onun fikrincə, belə olanda hətta ARDNŞ-nin də səhmləşdirilməsi və sonradan səhmlərinin satışa çıxarılması gündəmə gələ bilər.

“Mümkündür ki, ondan qabaq digər iri vergi ödəyicilərindən — Azərenerji, Azərsu, Xəzər Dəniz Gəmiçiliyi, Aztelekom, AZAL kimi şirkətlər də özəlləşdirməyə çıxarılsın. Çünki onların çoxu hazırda büdcə qarşısında olan cüzi vergi öhdəliklərini belə yerinə yetirə bilmirlər və ildən-ilə vergi borcları ilə yanaşı kreditor borclarını da artırırlar. Çox güman ki, Azərbaycan Beynəlxalq Bankı böyük özəlləşdirmə siyasətində sınaq-təcrübə funksiyasını yerinə yetirəcək”, — Q.İbadoğlu  qeyd edib.

O bir gün əvvəl Maliyyə Nazirliyi və Neft Fondunun 6 ayın yekunları ilə bağlı açıqlamalarını xatırladıb: "Məlumatlar ölkənin fiskal durumunun çətinliklərini aşkara çıxarmağa və qiymətləndirməyə imkan verir. Bu il üçün büdcəyə 19 milyard 438 milyon manat vəsait yığmağı planlaşdıran hökümət ilin 1-ci yarısında onun 7 milyard 807 milyon 200 minini və ya 40 faizini təmin edib. Proqnozun icrasında başlıca çətinlik Neft Fondundan gözlənilən transferlərin azalmasıdır. Belə ki, bu il ərzində büdcəyə 10 milyard 388 milyon manat köçürmək öhdəliyinə mailk olan Neft Fondu ilin 6 ayında onun 3 milyard 562 milyon manatını və ya üçdə birindən bir az artığını transfer edib. Çünki Neft Fondunun özünün də gəlirləri ilin 1-ci yarımilliyində 4 milyard 54 milyon manat olub ki, bu da proqnozlaşdırılan vəsaitin 40 faizindən də azdır. Göründüyü kimi, həm dövlət büdcədində və həm də Neft Fondunun büdcəsində icra faizi 40-ı ötə bilməyib. Deməli, mədaxilin təminatında eyni səviyyədə icra vəziyyətinin xarakterizə edən bu asılılıq birbaşadır və Neft Fondunun gəlirləri azaldıqca dövlət büdcənin xərcləmələrində də problemlər çoxalacaq".

Qubad İbadoğlu hesab edir ki, çıxış yolunu kiçik və orta vergi ödənişlərini inzibati qaydada sıxmaqla büdcəyə əlavə vəsait cəlb etməkdə görən hökümət buna ilin ilk 6 ayında nail olsa da, sonrakı aylarda eyni metodla istədiyi effekti ala biləcəyi real görünmür: “Bu halda hökümətin başqa bir alternativə müraciət edəcəyi də istisna olunmur. Hazırkı situasiyada və gələcəkdə daha da pisləşən durumda büdcəyə vəsait cəlb etməyin yollarından biri də özəlləşdirmədən əldə edilən gəlirlər ola bilər.  Bu məqsədlə ölkədəki iri müəssisələr özəlləşməyə çıxarıla bilər.”

Əsas mövzular