13:35 23 Oktyabr 2017
Canlı yayım
Mərkəzi bank

Azərbaycan Mərkəzi Bankı uçot dərəcəsini 3%-ə endirib

© Sputnik / Murad Orujov
İQTİSADİYYAT
Qısa URL
2322

Qərar iyulun 13-dən qüvvəyə minəcək.

BAKI, 10 iyul — Sputnik. Azərbaycan iqtisadiyyatı qlobal iqtisadiyyat və bölgədə baş verən son proseslər fonunda öz dayanıqlığını qoruyur və sabit inkişaf kursunu davam etdirir.

Azərbaycan Mərkəzi Bankından verilən məlumata görə, cari ildə iqtisadi tsikldəki yeni meyllərə adekvat olaraq makroiqtisadi siyasətdə həyata keçirilən mühüm təshih tədbirləri milli iqtisadiyyatın dayanıqlığının qorunmasına yönəlib.

Həyata keçirilən məqsədyönlü məzənnə siyasəti iqtisadiyyatın beynəlxalq rəqabət qabiliyyətinin güclənməsinə və tədiyyə balansının strateji dayanıqlığına müsbət təsir edib.

Eyni zamanda makroiqtisadi sabitlik qorunub, 2015-ci ilin birinci yarısında inflyasiya aşağı təkrəqəmli səviyyədə qalıb. Son 2 ayda valyuta bazarı və manatın məzənnəsi əhəmiyyətli dərəcədə stabilləşib, Mərkəzi Bankın valyuta ehtiyatlarında artım müşahidə olunub.

Mərkəzi Bankı ölkədə makroiqtisadi sabitliyin qorunması ilə yanaşı iqtisadi artımın və milli iqtisadiyyatın şaxələnməsi proseslərinin dəstəklənməsi istiqamətində də məqsədyönlü fəaliyyətini davam etdirib. Bu sahədə ən mühüm fəaliyyət istiqamətlərindən biri bank xidmətlərinin ucuzlaşması, xüsusilə faiz dərəcələrinin enməsinin təşviq olunmasıdır. Bununla bağlı son vaxtlar bank sektorunun fəaliyyətinin tənzimlənməsi üzrə həyata keçirilən tədbirlər faizlərin aşağı düşməsinə şərait yaradır.

Eyni zamanda inflyasiyanın məqbul səviyyəsini və pul təklifinin dinamikasını nəzərə alaraq pul siyasətinin daha da yumşaldılması imkanları yaranır.

Qeyri-neft sektorunda iqtisadi artıma maliyyə dəstəyini gücləndirmək, kredit faizlərinin enməsini sürətləndirməklə investisiyaları stimullaşdırmaq, kiçik və orta biznesin maliyyələşməsinin və əhalinin ipoteka kreditləşməsinin dəyərinin optimallaşmasına monetar zəmin yaratmaq məqsədilə Mərkəzi Bankın İdarə Heyəti 13 iyul 2015-ci il tarixindən uçot dərəcəsinin 3,5%-dən 3%-ə endirilməsi barədə qərar qəbul edib.

Teqlər:
Azərbaycan Mərkəzi Bankı uçot dərəcəsini 3%-ə endirib, Mərkəzi Bankın valyuta ehtiyatları, investisiyaları stimullaşdırmaq, inflyasiya, makroiqtisadi siyasət, tədiyyə balansı, beynəlxalq rəqabət qabiliyyəti, məqsədyönlü məzənnə siyasəti, faiz dərəcələrinin enməsi, məqsədyönlü fəaliyyət, milli iqtisadiyyatın şaxələnməsi proseslərinin dəstəklənməsi, makroiqtisadi sabitliyin qorunması, Azərbaycan iqtisadiyyatı, Mərkəzi Bankın qərarı, Sputnik, Azərbaycan Mərkəzi Bankı, Mərkəzi Bankın İdarə Heyəti, Azərbaycan

Əsas mövzular