BAKI, 30 mart — Sputnik. Dubayda yaşayan azərbaycanlı model Samirə Ağayeva ərəb biznesmen Selaiman Əzizi ilə nişanlanıb. Sputnik Azərbaycan xəbər verir ki, bu barədə məlumatı model "Instagram" hesabında paylaşıb. Ortaq dostları vasitəsilə tanış olan cütlüyün yaxında toyu olacağı gözlənilir. Onların hər ikisi sosial şəbəkə hesabında bir-birinin adını qeyd edib.
View this post on Instagram
Qeyd edək ki, Samirə Ağayeva Azərbaycanda və xaricdə moda nümayişlərində, reklam və foto layihələrində iştirak edir. Model əsasən beynəlxalq markalarla əməkdaşlıq etdiyi Dubay şəhərində yaşayır. O, "Best Fashion Model-2017", "Miss Europe-2018" və "Miss Elegant-2018" kimi titullara layiq görülüb.
