01:18 27 Fevral 2021
Canlı yayım
  • USD1.7000
  • RUB0.0229
  • EUR2.0661
MƏDƏNİYYƏT
Qısa URL
3310

Andrey Myaqkov "Qəribə təsadüf və ya Həmişə təmizlikdə", "İşdə məhəbbət macərası", "Qaraj", "Qəddar romans", "Köhnə ev", "32 Dekabr" və s. filmlərdə bir-birindən maraqlı obrazları ilə yadda qalıb.

BAKI, 18 fevral — Sputnik. RSFSR Xalq artisti, tanınmış aktyor Andrey Myaqkov vəfat edib.

Sputnik Azərbaycan Rusiya mətbuatına istinadən xəbər verir ki, 83 yaşlı sənətkar ürək çatışmazlığından dünyasını dəyişib.

Andrey Myaqkovun vəfat xəbəri Rusiyanın sənət ictimaiyyəti tərəfindən çox kədərlə qarşılanıb.

A.Myaqkov 1938-ci il iyulun 8-də Sankt-Peterburqda dünyaya gəlib. 1965-ci ildən "Sovremennik" Teatrında çalışmağa başlayıb. 1977-ci ildən teatr fəaliyyətini Qorki adına Moskva Akademik Bədaye Teatrında (MXAT) davam etdirib.

Geniş tamaşaçı kütləsi Andrey Myaqkovu Eldar Ryazanovun məşhur filmləri ilə tanıyıb və sevib.

Andrey Myaqkov "Qəribə təsadüf və ya Həmişə təmizlikdə", "İşdə məhəbbət macərası", "Qaraj", "Qəddar romans", "Köhnə ev", "32 Dekabr" və s. filmlərdə bir-birindən maraqlı obrazları ilə yadda qalıb.

2010-cu ildən kinodan, 2013-cü ildən isə teatrdan ayrılan Andrey Myaqkov həyat yoldaşı, Rusiyanın Xalq artisti Anastasiya Voznesenskaya ilə gözlərdən uzaq, sakit həyat tərzi yaşayıb.

Teqlər:
Rusiya, vəfat, aktyor

Əsas mövzular