10:44 25 Sentyabr 2020
Canlı yayım
  • USD1.7000
  • RUB0.0274
  • EUR1.9035
MƏDƏNİYYƏT
Qısa URL
37101

Aqata Kristinin bu əsərinin adını, demək olar ki, bilməyən yoxdur. Amma müasirlərimiz hesab edirlər ki, onun adı cəmiyyətimizə yaraşmır

BAKI, 27 avqust — Sputnik. Detektiv romanlar müəllifi Aqata Kristinin "On zənci balası" əsərinin adı dəyişdirilib. Sputnik Azərbaycan Rusiya mətbuatına istinadən xəbər verir ki, roman bundan sonra Fransada "Onlar on nəfər idilər" adı ilə çap olunacaq. Yazıçının nəslinin davamçısı Ceyms Priçard bildirib ki, kitab yazılan zaman dil tamam başqa idi: "Məncə, romanın orijinal adı ABŞ-da heç vaxt istifadə edilməyib. Böyük Britaniyada onu 1980-ci ildə dəyişiblər, bu gün isə biz bütün dünyada romanın adını dəyişirik".

C.Priçard hesab edir ki, Aqata Kristi kiminsə onun sözlərindən inciməyini istəməzdi: "Biz kimisə incidən sözlərdən istifadə etməməliyik, 2020-ci ildə bu cür davranmalıyıq".

Qeyd edək ki, kitab artıq Fransada satışa çıxarılıb.

Məlumat üçün bildirək ki, yazıçı əsərləri ilə yanaşı, maraqlı və qeyri-adi fikirləri ilə məşhurdur. Belə ki, müsahibələrinin birində etiraf edir ki, "romanlarım üçün süjeti mən qab yuyarkən tapıram. Bu axmaq məşğuliyyət həmişə qətllər haqqında fikirlərə sövq edir".

Aqata I Dünya müharibəsi illərində hərbi hospitalda tibb bacısı işləyib, əczaçılığı öyrənib. Bu, onun əsərlərindən də aydın hiss olunur. Detektivlərindəki 83 cinayətin qəhrəmanlarını zəhər içirdərək "öldürüb". Bunun digər səbəbini Kristi qan içində uzanmış ölülərdən xoşu gəlmədiyini və odlu silahlardan başı çıxmaması ilə əlaqələndirib. Oxucuların hisslərinə hörmətlə yanaşdığından Aqata Kristi heç vaxt seksual cinayətləri romanının mövzusuna çevirməyib. O bildirirdi ki, seksual zorakılıq insanın hisslərinə mənfi təsir edir və oxucunu əsərin əsas xəttindən ayırır. Aqata Kristinin yazmaq vərdişi qəribə idi: ona isti vanna və alma lazım olurmuş.

Onu da bildirək ki, Kristinin 60 detektiv romanı və 19 hekayə məcmuəsi çap olunub. Başqa dillərə tərcüməyə görə Şekspirdən sonra o, ikinci ingilis yazıçısıdır.

Əlaqədar

“Əsas instinkt”in ulduzu bütün sirlərini açacaq
Coğrafiya müəlliminin pencəyinin sorağı Türkiyədən gəldi
Gözdən qaçırdığımız təhlükə - Uşaqlara aid ədəbiyyatda onlara "məşuqə olmaq" aşılanır?!
İtirilmiş nəslin nümayəndəsi - Ernest Heminquey
Kəpənəyin saldığı yol ilə gedən qəhrəman - "Özümə, sən həyatına davam etməlisən, dedim"

Əsas mövzular