CƏMİYYƏT
Cəmiyyətin həyatında baş verən aktual hadisələr

Fehruz Şəmiyev: "Filmin büdcəsi yox, rejissorun çatdırmaq istədiyi fikir daha önəmlidir"

© Sputnik / Aleksey Danichev / Mediabanka keçidСъемки фильма. Архивное фото
Съемки фильма. Архивное фото - Sputnik Azərbaycan
Abunə olmaq
Bakı Beynəlxalq Qısa Filmlər festivalının rəhbəri bildirib ki, pandemiya film istehsalatına təsir edib və festivala göndərilən filmlərin əksəriyyəti 2019-cu ildə lentə alınıb.

Şahpəri Abbasova, Sputnik Azərbaycan

BAKI, 26 avqust — Sputnik. Bakı Qısa Filmlər Festivalı bu il artıq 11-ci ildir ki, ölkəmizdə keçirilir. Hər il olduğu kimi bu il də kino həvəskarları və rejissorlar filmlərini festivala təqdim edə bilərlər. Festivala təqdim olunan filmlərin çəkilişi üçün nə yüksək keyfiyyətli avadanlıq, nə də iri büdcə lazımdır. Sadəcə ideya, orijinal fikir və fərqli yanaşma tələb olunur. Festival haqqında Sputnik Azərbaycan-a danışan Bakı Beynəlxalq Qısa Filmlər festivalının rəhbəri Fehruz Şəmiyev bildirib ki, bu il çəkilən filmlərin əksəriyyəti pandemiya ilə bağlıdır: "İki ildir festivalın adı dəyişdirilib. Festivalda bu il bir neçə yeniliklər nəzərdə tutmuşuq. Bu, telefon və planşetlə çəkilmiş filmlər müsabiqəsidir. Bundan başqa, sosial çarx nominasiyası var. Sosial çarxların böyük bir hissəsi pandemiyayla bağlıdır".

Festival rəhbərinin sözlərinə görə, pandemiyayla yanaşı, təhsil sahəsi və əliliyi olan insanlarla bağlı çarxlar hazırlanıb: "Son iki ildə maarifləndirici sosial çarxlar çox çəkilib. Biz də bunu nəzərə alaraq, 35 yaşa qədər olan gəncləri bu işə həvəsləndirmək, onların əziyyətini yerdə qoymamaqdan ötrü "sosial çarx" nominasiyasını əlavə etmişik. Keçən il də bu, çox maraqla qarşılandı. Keçən il təhsil sahəsi ilə bağlı hazırlanmış sosial çarx "Qızıl Nar" mükafatı ilə mükafatlandırılıb".

© Sputnik / Murad OrujovBakı Beynəlxalq Qısa Filmlər festivalının rəhbəri Fehruz Şəmiyev
Fehruz Şəmiyev: Filmin büdcəsi yox, rejissorun çatdırmaq istədiyi fikir daha önəmlidir - Sputnik Azərbaycan
Bakı Beynəlxalq Qısa Filmlər festivalının rəhbəri Fehruz Şəmiyev

Şəmiyev bildirib ki, festivalda qalib gələn rejissorun növbət il daha keyfiyyətli iş görməsi üçün ona dəstək göstəriləcək: "Festivalda bədii, sənədli, animasiya filmləri nəzərdə tutulub. Bu il xarici ölkələrdən gələn filmlərin əksəriyyəti, yayım şirkətləri tərəfindən göndərilib. Bizim festivalda da 35 yaşa qədər olan şəxslərin 35 dəqiqəyə qədər olan filmləri qəbul edilir. Festivalın yeniliyi ondan ibarətdir ki, müxtəlif şirkətlərlə danışmışıq, "02 media" şirkəti də bizə qoşulub. Festivalda qalib gələcək yerli iştirakçının ssenarisi növbəti il istehsalata buraxılacaq. Orada texniki dəstək və onlara post-prodakşın dəstəyi veriləcək. Yerli iştirakçıların gələn il də keyfiyyətli iş təqdim etməsi üçün festival öz dəstəyini verəcək".

Женщина. фото из архива - Sputnik Azərbaycan
MƏDƏNİYYƏT
"Qadına şiddət göstərən biri ilə eyni filmdə, serialda oynamaram"

Müsahibimizin sözlərinə görə, festival noyabr ayında bitəcək. Əgər pandemiya qeyd olunan tarixə qədər bitməzsə, festival onlayn keçiriləcək: "Pandemiya başlayandan artıq biz fəaliyyətə başlamışdıq. Biz mart ayında düşünürdük ki, pandemiya noyabr ayında bitəcək. Düşünürdük ki, biz festivalı əvvəlki qaydada həyata keçirə biləcəyik. Ümid edirəm ki, bu il noyabr ayına qədər pandemiya bitər, biz festivalı həmişəki qaydada keçirərik. Festival noyabrın 13-dən 17-dək keçiriləcək. Belə olmadığı təqdirdə, biz festivalı onlayn şəkildə keçirəcəyik. Bu təcrübə artıq dünyada var. Pandemiya dövründə bir çox ölkələrdə festivallar onlayn keçirilib".

Festival sözçüsünün dediyinə görə, artıq filmlər seçilməyə başlanıb: "Filmlər gəldikcə biz onları "ələkdən keçiririk". Bu il bizə qonşu olan ölkələrdən başqa, Amerikadan, Braziliyadan, Meksikadan, Almaniyadan, Argentinadan və digər ölkələrdən filmlər gəlir. Qeyd edim ki, pandemiyanı çox dolğun əks etdirən ölkə Argentinadır".

Həmsöhbətimiz pandemiyanın film istehsalatına da təsirsiz ötüşmədini vurğuladı: "Pandemiya sözsüz ki, film istehsalatına təsir edib. Bizim festivalın şərtlərindən biri də budur ki, filmlər son 2 ildə istehsal olunmalıdır. Bu, beynəxlq qaydalarda belədir. Festivala göndərilən filmlərin əksəriyyəti 2019-cu ildə lentə alınıb. 2020-ci ildə çəkilən filmlərin 70%-i pandemiyayla bağlıdır. Oktyabr ayında hansı filmlərin festivala buraxılacağı və komissiyaya təqdim olunacağı bəlli olacaq".

DAXİLDƏKİ ADA filmindən səhnə - Sputnik Azərbaycan
MƏDƏNİYYƏT
Azərbaycanlı rejissorun "Daxildəki ada"sı qalib olub

"Münsiflər heyətinin tərkibi hələ məlum deyil. Biz hazırda o işlə məşğuluq. Bizdə beynəlxalq proqramı xarici heyət idarə edir, yerli proqramı isə yerli mütəxxəssislər tərəfindən qiymətləndirilir. Azərbaycandan da filmlər gəlir artıq. Keçən ilə nisbətən, bu il daha keyfiyyətli filmlər gəlib", - deyə o əlavə edib.

Şəmiyev onu da əlavə edib ki, festivala göndərilən filmin büdcəsi yox, rejissorun çatdırmaq istədiyi fikir daha önəmlidir: "Xaricdən gələn filmlərin içində iri büdcəli filmlər var. Hansılar ki qrandların hesabına ərsəyə gəlib. Belə bir fikir formalaşıb ki, iri büdcəli filmlə az büdcəli film necə, rəqabət apara bilərmi? Bildirim ki, dünyada da "A" kateqoriyalı filmlərin festivalında da iri büdcəli filmlə az büdcəli film rəqabət apara bilər. Festivalda əsas məsələ büdcə deyil. Əsas məsələ rejissorun fikrini çatdırmasıdır, onun yanaşma tərzidir. Festival zamanı maliyyəni yox, rejissorun üslubu əsas götürülür. Ola bilər ki, 300 manatlıq film 20000-lik filmə qalib gəlsin. Film göndərən şəxslərə bildirim ki, maliyyə əsas deyil. Sizin orijinallığınız, bədii yanaşma tərziniz önəmlidir. Kommersiya filmlərində maliyyə önəmlidir. Festival filmlərində isə maliyyə keçərli deyil. Azərbaycanda artıq bu təcrübə var. Son illər çox az büdcə ilə çəkilən Rüfət Həsənovun, Teymur Hacıyevin və Azərbaycan kino tarixində əhəmiyyətli hadisə olan Hilal Baydarovun Venesiya Film Festivalında iştirak etməsi buna əyani sübutdur. Hilal Baydarovun filmi dünyanın nəhəg rejissorları ilə eyni proqramdadır. Hansı ki, Baydarovun filminin büdcəsi qat-qat aşağıdır".

Xəbər lenti
0