16:23 07 İyul 2020
Canlı yayım
  • USD1.7000
  • RUB0.0274
  • EUR1.9035
MƏDƏNİYYƏT
Qısa URL
71 0 0

Əməkdar artist Bəhram Bağırzadə vəziyyətinin kəskin pisləşməsi səbəbindən daha əvvəl koronavirus xəstəliyindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının reanimasiya şöbəsinə köçürülüb

BAKI, 16 iyun — Sputnik. “Bəhram Bağırzadənin vəziyyəti stabil ağırdır, hələ ki, aparatlara qoşuludur”.

Sputnik Azərbaycan-ın məlumatına görə, bunu APA-ya açıqlamasında, Əməkdar artist Bəhram Bağırzadənin həyat yoldaşı Şəhla Bağırzadə deyib.

“Təəssüf ki, yeni bir şey deyə bilməyəcəm. İnşallah, aparatlardan ayrılar, onda xoş xəbərini eşidərsiz”, - deyə o bildirib.

Qeyd edək ki, Əməkdar artist Bəhram Bağırzadə vəziyyətinin kəskin pisləşməsi səbəbindən daha əvvəl koronavirus xəstəliyindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının reanimasiya şöbəsinə köçürülüb. Xəstənin yeni çəkilən kompüter tomoqrafiyasında əvvəlkilərlə müqayisədə çox ciddi mənfi gedişatın olduğu, ağciyər toxumasının 90%-dən çoxunun zədələndiyi məlum olub. Süni tənəffüs aparatında intensiv müalicəyə baxmayaraq, saturasiyanın artırılmasına nail olunmayıb.

Xəstənin EKMO cihazına qoşulmasına qərar verilib.

Məlumat üçün bildirək ki, EKMO - ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur.

EKMO cihazına qoşulması əməliyyatından sonra onun vəziyyəti nisbətən stabilləşib və saturasiya 95 faizə qədər yüksəlib. Lakin xəstənin vəziyyəti kritik ağır olaraq qalır.

Əməkdar artist Bəhram Bağırzadənin müalicəsi birbaşa Azərbaycanın Birinci vitse-prezident Mehriban xanım Əliyevanın nəzarətindədir.

Əlaqədar

Həkimlər Bəhramı xilas etmək üçün əllərindən gələni edirlər - xanımı Şəhla Bağırzadə
Həkim: “Bəhram Bağırzadəni həyata qaytarmaq üçün təcili ağ ciyər köçürülməlidir”
Bəhram Bağırzadənin son durumu açıqlandı
Həyat yoldaşı Bəhram Bağırzadənin son durumundan danışdı: “Vəziyyəti...”
Rəşad Mahmudov Bəhram Bağırzadənin vəziyyəti barədə: “Ümidimiz var”

Əsas mövzular