Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Ekranlara müasir "Cırtdan" gəlir

© pixabay / tookapic Пульты дистанционного управления телевизором, фото из архива
Пульты дистанционного управления телевизором, фото из архива - Sputnik Azərbaycan
Abunə olmaq
Bu animasiya artıq XXI əsrin animasiyası olmalıdır və müasir uşaqlar üçün maraqlı olan hər şeyi ifadə etməliyik.

BAKI, 20 aprel — Sputnik. Mədəniyyət Nazirliyinin maliyyə dəstəyi ilə Cırtdan haqqında yeni animasiya filmi çəkilir. Sputnik Azərbaycan xəbər verir ki, ilk dəfə 1969-cu ildə Azərbaycan xalq nağılının motivləri əsasında "Cırtdan" adlı cizgi filmi çəkilib. Alla Axundovanın ssenarisi əsasında Yalçın Əfəndiyevin quruluş verdiyi filmdə Cırtdanın divə necə qalib gəlməsindən danışılır.

Диснейленд, фото из архива - Sputnik Azərbaycan
Cizgi filminin sonu - "Disney" koronavirusa görə işçilərini məzuniyyətə göndərir

1973-cü ildə yenidən bu mövzuya müraciət edilib. Fikrət Sadığın ssenarisi əsasında Nazim Məmmədovla Bəhmən Əliyevin çəkdiyi Cırtdanın yeni sərgüzəştləri bir qədər müasirləşdirilərək fantastik motivlər üzərində qurulub.

2020-ci ildə Cırtdan yenidən gündəmə gəlib. Qeyd edək ki, xalq nağılından bəhrələnən bu animasiya filmində müasirlik əsas götürüləcək. Filmin rejissoru Firəngiz Qurbanova artıq iki aydır çəkilişlərə başladıqlarını bildirdi: "Dünyada baş verən proseslərə görə ölkəmiz də "evdə qal" prinsipinə əməl edir. Biz də yaradıcı heyət olaraq bu günlərdən səmərəli istifadə etməyə çalışırıq. Onu da qeyd edim ki, bu animasiya, cizgi üsulu ilə çəkilmiş animasiya filmi olacaq. Bu bizim üçün prinsipialdır ki, klassik animasiya ənənəsi yaşayır və davam edəcək. Biz tələbələrimizə cizgi animasiyası metodunu öyrədirik. İnanırıq ki, bu layihə gələcəkdə silsilə şəklində davam edəcək. Bundan başqa, 4 ay ərzində filmi təhvil verəcəyik. Filmin çəkilişində Cavid Əhədov, Zema Əhədova və Kino məktəbinin tələbələri iştirak edirlər".

Rejissor onu da qeyd edir ki, artıq bu animasiyanı Cırtdanın adı ilə adlandırmaq fikrində deyil: "Bu animasiya artıq XXI əsrin animasiyası olmalıdır və müasir uşaqlar üçün maraqlı olan hər şeyi ifadə etməliyik. Ən önəmlisi isə silsilə cizgi filmləri hazırlayacağıq. Film adının necə olmasına gəlincə, buna hələ tam qərar verməmişik, İş prosesi bitənə qədər tam əminliklə adını dəqiq olaraq seçəcəyik".

Xəbər lenti
0