BAKI, 12 fevral — Sputnik. Marqo Robbinin iştirak etdiyi "Yırtıcı quşlar: Harli Kvinnin heyranedici hekayəsi" adlı filmin adı dəyişdirilib.
Sputnik Azərbaycan xarici mediaya istinadla xəbər verir ki, bu barədə "Entertainment Weekly" məlumat yayıb.
Bu, ABŞ-da premyera həftəsonunda filmin cəmi 33 milyon dollar toplamasından sonra baş verib. Halbuki, müəlliflər boks-ofisdən əldə ediləcək vəsaitin 50-55 milyon dollar olacağını gözləyiblər.
İndi Amerika kinoteatrlarında film "Harli Kvinn: Yırtıcı quşlar" adlı DC komiks filmi kimi nümayiş olunur. Ehtimala görə, "Warner Bros" studiyası bu yolla potensial tamaşaçıların diqqətini filmin süjetini hansı superqəhrəmanın söylədiyinə cəlb etmək istəyir.
