Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Azərpaşa Nemətov: "Yaxın vaxtlarda konkret addımlar atılacaq"

Abunə olmaq
“İstər dünya, istərsə də Azərbaycan dramaturgiyasından olan əsərlər əsasında hazırlanan tamaşalar teatrımızın səhnəsində oynanılacaq”

Kamal Almuradlı, Sputnik Azərbaycan

BAKI, 24 yanvar — Sputnik. "2020-ci il üçün Akademik Milli Dram Teatrının qastrol və festivallarla bağlı planları böyükdür. Bizə bir neçə ölkədən dəvət var". Bu barədə Sputnik Azərbaycan-a açıqlamasında Azərbaycan Akademik Milli Dram Teatrının bədii rəhbər və direktoru, Xalq artisti Azərpaşa Nemətov bildirib.

Onun sözlərinə görə, artıq qastrol səfərləri ilə bağlı ilkin danışıqlar da aparılıb: "Bu günlərdə Gürcüstanın Milli Teatr Günü ilə əlaqədar qonşu ölkədə bir neçə görüş keçirdim. Gürcü teatr ictimaiyyətinin Akademik Milli Dram Teatrına böyük marağı var. Kutaisi, Tbilisi və digər şəhərlərdə olan teatrlar bizi qastrola dəvət edirlər. Gürcüstanın dünyada tanınmış teatr rejissoru Robert Sturua ilə çox gözəl münasibətimiz var. Bu münasibətin və dostluğun tarixi 40 ilə yaxındır. Məhz onun və digər dostlarımızın dəvəti ilə qonşu ölkənin teatrsevərləri üçün tamaşalar oynayacağıq".

Xalq artisti əlavə edib ki, rəhbərlik etdiyi kollektiv 2020-ci ildə Daşkənddə və Türkiyədə olan festivallarda da iştirak edəcək: "Hər iki ölkə ilə danışıqlar aparılır. Yaxın vaxtlarda konkret addımlar atılacaq. 2019-cu ilin oktyabr ayında Akademik Milli Dram Teatrına dövlət statusunun verilməsinin 100 illiyi cənab Prezident İlham Əliyevin imzaladığı Sərəncam əsasında təntənə ilə qeyd olundu. Ölkəmizin başçısının digər Sərəncamı ilə teatrımızın aktyorları fəxrli adlarla təltif olundu. Bu, cənab Prezidentimiz tərəfindən bizə olan böyük etimadın bariz nümunəsidir və bir daha ölkə başçımıza təşəkkürümü bildirirəm. Məhz 100 illik yubileylə əlaqədar istər beynəlxalq, istərsə də yerli qastrollarla bağlı planlarımız böyükdür. Eyni zamanda ötən il olduğu kimi bu il də yeni premyeralarla tamaşaçılarımızı sevindərəcəyik. İstər dünya, istərsə də Azərbaycan dramaturgiyasından olan əsərlər əsasında hazırlanan tamaşalar teatrımızın səhnəsində oynanılacaq".

Xatırladaq ki, Akademik Milli Dram Teatrı ötən il 100 illik yubileyini qeyd edib.

Xəbər lenti
0