BAKI, 12 noyabr — Sputnik. SSRİ xalq artisti, Müslüm Maqomayevin həyat yoldaşı Tamara Sinyavskayanı təcili xəstəxanaya aparıblar.
Sputnik Azərbaycan RİA-Novosti-yə istinadən bildirir ki, bu barədə REN TV məlumat yayıb.
Telekanalın məlumatına görə, opera müğənnisi kardiocərrahiyyə şöbəsində müayinə olunur. Müayinədən sonra həkimlər əməliyyat olunması, yaxud müalicə aparılması barədə rəy verəcəklər.
Tamara Sinyavskaya SSRİ xalq artisti, əməkdar incəsənət xadimidir. O, Rusiya "Şərəf" ordeni və IV dərəcəli "Vətən qarşısında xidmətlərə görə" ordeni ilə təltif olunub.
Müğənni Yevgeni Svetlanov, Gennadi Rojdestvenski, Vladimir Spivakov və Mstislav Rostropoviç kimi dirijorlarla işləyib.
