16:26 19 Noyabr 2019
Canlı yayım
  • USD1.7000
  • RUB0.0266
  • EUR1.8828
Bakıda Beynəlxlaq Animasiya festivalı baş tutub

Bakıda Beynəlxalq Animasiya festivalı baş tutub

© Courtesy of Baku International Animation Festival
MƏDƏNİYYƏT
Qısa URL
69 0 0

Təqdim olunan filmlər və ssenarilər beynəlxalq münsiflər heyəti və uşaqlardan ibarət münsiflər heyəti tərəfindən baxılaraq qaliblər müəyyənləşdirilib.

Kamal Almuradlı, Sputnik Azərbaycan

BAKI, 21 oktyabr — Sputnik. Azərbaycan animasiyasının 50 illiyinə həsr olunan II Animafilm Beynəlxalq Animasiya Festivalı, Azərbaycan Kinematoqrafçılar İttifaqının Kino Evindəki 3 günlük nümayişindən sonra bağlanış mərasimi baş tutub. Sputnik Azərbaycan xəbər verir ki, uşaqlar və böyüklər üçün çəkilmiş onlarla yerli və xarici animasiya filmlərinin nümayiş olunduğu beynəlxalq festivalın bu dəfəki mövzusu Çexiya animasiyası olub. Təşkilatçıların verdiyi açıqlamaya görə bu baxımdan da festivalın davam etdiyi 3 gün ərzində, müsabiqədənkənar proqramda Çexiya filmlərinə baxış, eyni zamanda müxtəlif yaş qrupları üzrə uşaqlar üçün animasiya vorkşopları təşkil olunub. Bundan başqa, yunan və çex cizgi filmlərinin təqdimatları, müsabiqə proqramları keçirilib.

Bakıda Beynəlxlaq Animasiya festivalı baş tutub
© Courtesy of Baku International Animation Festival
Bakıda Beynəlxlaq Animasiya festivalı baş tutub

Xatırladaq ki, "Ənənə və inkişafa yeni baxış" şüarı altında təqdim olunan festivala 50 müxtəlif ölkədən 250-dən çox müraciət edilsə də onlardan yalnız 54-ü müsabiqədə iştirak edib. Seçim komissiyası "Ən yaxşı qısametrajlı animasiya filmi" (20 dəqiqəyə qədər) 197 film, "Uşaqlar üçün ən yaxşı qısametrajlı animasiya filmi" (10 dəqiqəyə qədər) 66 film, "Qısametrajlı animasiya filmi üçün ən yaxşı orijinal ssenari" 13 ssenari arasından seçim edib. Təqdim olunan filmlər və ssenarilər beynəlxalq münsiflər heyəti və uşaqlardan ibarət münsiflər heyəti tərəfindən baxılaraq qaliblər müəyyənləşdirilib:

1. Ən yaxşı qısametrajlı animasiya filmi – "Qız" filmi (Çex Respublikası) – bu film ABŞ Kino Akademiyasının "Tələbə Oskar"ına layiq görülüb.

2. Ən yaxşı uşaqlar üçün animasiya filmi –Papito (ABŞ)

3. Ən yaxşı qısametrajlı animasiya filmi ssenarisi – Əsən (İran İslam Respublikası)

4. Tamaşaçı rəğbəti mükafatına isə Firəngiz Qurbanovanın "Anam ağaca çıxıb" (1986) filmi layiq görülüb.

Festivalın bağlanış mərasimində Azərbaycan Respublikasının prezidenti İlham Əiiyevə müraciət ünvanlanıb. Müraciətdə animasiyaya maliyyə dəstəyi ayrılmasını və animasiya üzrə təhsil ocağının yaradılmasını xahiş olunub.

Son olaraq qeyd edək ki, oktyabrın 18-20-də keçirilən II Animafilm Beynəlxalq Animasiya festivalının təsisçisi Rəşid Ağamalıyevdir. Animasiya filmləri üzrə seçim komissiyasının üzvləri – Rəşid Ağamalıyev, Nəzrin Əlizadə (Azərbaycan), Liz Mansresa (Fransa), Vojtěch Kiss (Çexiya), Piotr Ficner (Polşa) və İlenia Cotardo(İtaliya) olub.

Əsas mövzular