BAKI, 27 avqust — Sputnik. Azərbaycanın Əməkdar artisti Tünzalə Ağayeva yeni klipini təqdim edib.
Sputnik Azərbaycan xəbər verir ki, müğənni yeni təqdim etdiyi mahnını öz "Instagram" səhifəsində paylaşıb. "Çox sevincliyəm ki, uğurlu layihəmizin təqdimatı ölkəmizin birinci xanımı , birinci vitse-prezidenti hörmətli və sevimlimiz Mehriban xanımın doğum gününə təsadüf edir. Dünyanın ən gözəl birinci xanımı, qayğıkeş, sevgi dolu, mərhəmətli ana, doğum gününüz mübarək, sevimlimiz Mehriban xanım" deyə müğənni öz paylaşımına əlavə edib.
Qeyd edək ki, Tünzalə Ağayevanın yeni mahnısının sözləri Abdurrahim Karakoç, musiqisi isə özünə məxsusdur. Klipin rejissoru isə Ülviyyə Könüldür.
