21:14 17 Oktyabr 2019
Canlı yayım
  • USD1.7000
  • RUB0.0265
  • EUR1.8829
Певец Филипп Киркоров

Filipp Kirkorov dünya şöhrətli azərbaycanlıya nifrət etdiyini boynuna alıb

© Sputnik / Екатерина Чеснокова
MƏDƏNİYYƏT
Qısa URL
298 0 0

Rusiyalı məşhur estrada ulduzu azərbaycanlı opera müğənnisinə olan nifrətinin səbəbini açıqladı

BAKI, 3 may — Sputnik. Rusiyanın Xalq artisti Filipp Kirkorov Azərbaycanın Xalq artisti Yusif Eyvazovu ad günü münasibətilə qeyri-adi emosional tərzdə təbrik edib. Sputnik Azərbaycan-ın məlumatına görə Kirkorov təbriki öz "Instagram" səhifəsində paylaşıb. 

"Ad günün mübarək, əkiz-buğa-qardaş! Ad günün mübarək, böyük səhnənin böyük artisti! Ad günün mübarək, sadəcə əla oğlan və mənim dostum! Ad günün mübarək, əziz Yusif! Xoşbəxt ol, qoy səsin həmişə ucadan gəlsin, qoy həmişə yuxarı si bemol, do və hətta re sənin istedadının bütün rəngləri ilə qaynayıb-qarışsın. Nə qədər ki, biz səninlə eyni geyinirik, fashion-biznes bizim xoşbəxtliyimizdən və bədbəxtliyimizdən çiçəklənəcək və inkişaf edəcək. Lakin belə arıqladığına görə sənə nifrət edirəm. Bu səndə necə alındı?" - Kirkorov yazıb. 

Qeyd edək ki, Filipp Kirkorov uzun illər ərzində Anna Netrebko - Yusif Eyvazov cütlüyü ilə dostluq edir.

Yusif Eyvazov bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. O, Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir.

Əsas mövzular