00:23 16 Oktyabr 2019
Canlı yayım
  • USD1.7000
  • RUB0.0264
  • EUR1.8748
Əbu-Müslim məscidi

Xilafət sərkərdəsinin Azərbaycanda "parlatdığı günəş" və ya yeni tarixin başlanğıcı

© Sputnik / Leyla Abdullayeva
MƏDƏNİYYƏT
Qısa URL
4976 0 0

"Əbu-Müslimin bu məscidləri tikməsinin başlıca səbəbi İslam dinini əhali arasında yaymaq olub"

Leyla Abdullayeva, Sputnik Azərbaycan

BAKI, 23 aprel — Sputnik. Qubanın Xınalıq kəndi relyefi ilə yanaşı tarixiliyinə görə də digər kəndlərdən fərqlənir. Kəndin balaca olmasına və rayondan kənarda yerləşməsinə baxmayaraq, burada çox maraqlı və qədim tarixə malik tarixi abidlər var.

Bunlardan biri də "Əbu-Müslim" məscididir. Eyni adlı məscidlərə Xınalıqla yanaşı, Qubanın Qrız və Cek kəndlərində də rast gəlmək mümkündür.

Məscidin tarixi haqqında kənd sakini Yusif Şabanov Sputnik Azərbaycan-a danışıb: "Kəndimizdə dinə, ziyarətlərə inam həddən ziyadə çoxdur. Buna görə də bizdə insanlar üçün məscidin olması, orada namazların vaxtlı-vaxtında qılınması çox önəmlidir".

Y.Şabanovun dediyinə görə, məscid 8-ci əsrdə Abbasilər Xilafətinin banisi olan Abbasın məşhur sərkərdəsi Əbu-Müslüm Əl-Xorasani tərəfindən inşa olunub: "Əbu-Müslimin bu məscidləri tikməsinin başlıca səbəbi İslam dinini əhali arasında yaymaq olub".

"Təəssüflər olsun ki, məscid SSRİ dövründə anbar kimi istifadəyə verilib. İnsanlar qışa yığdıqları azuqələrini bu məsciddə topalayıb saxlayıblar. Bir müddət keçdikdən sonra isə kənd əhalisi tərəfindən məscid yenidən bərpa olunub və namaz qılınmağa başlanıb" - müsahibimiz bildirib.

  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
  • Əbu-Müslim məscidi
    "Əbu-Müslim" məscidi
    © Sputnik / Leyla Abdullayeva
1 / 8
© Sputnik / Leyla Abdullayeva
"Əbu-Müslim" məscidi

O, məscidin fərqli üslubda tikilməsi barədə də məlumat verib: "Bu məscidin içərisi çox maraqlı şəkildə tikilib. Sütunlar oyma üsulu ilə müxtəlif formalı motivlər və göl təsvirləri ilə bəzədilib. Məscidin içərisində iki böyük sütun yerləşir və bu sütunların üzərində Avropanın və Şərqi Asiyanın qədim yazı növü olan "runa" yazıları həkk olunub".

"Alimlərin fikrinə görə, bu sütunların tarixi çox qədimdir. Yazıların, təqribən 3-8 əsrlər arasında yazıldığı ehtimal olunur. Bu yazıların tam olaraq tərcüməsi olmasa da, təxmini mənası "günəşin doğması" və yaxud yeni tarixin yaranması mənasını daşıyır" - Şabanov deyib.

Həmsöhbətimiz bildirib ki, rayona gələn yerli və xarici turistlər bu məscidi ziyarət etmədən getmirlər: "Pakistandan, Ərəbistandan, Türkiyədən, İrandan və bir çox müsəlman ölkələrindən gələn bəzi turistlər burada yerli sakinlərlə birlikdə namaz qılırlar. Lakin məscid yalnız kişilər üçündür və qadınların namaz qılması üçün yer yoxdur".

Qeyd edək ki, qədim tarixə malik "Əbu-Müslim" məscidi dövlət tərəfindən bir neçə il öncə əsaslı şəkildə təmir olunub.

Əlaqədar

Türkiyədə yenidən zəlzələ olub – Üç məsciddə çatlar əmələ gəlib
Müsəlmanların kütləvi qətlə yetirildiyi məscidlərin fəaliyyəti bərpa edilib
Bakı məscidlərindən birində cinayət törədilib
Böyük Britaniyada məscidlərə silsilə hücumlar edildi
Teqlər:
məscid, kənd, Quba

Əsas mövzular