Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Azərbaycanda Türkiyə təcrübəsi tətbiq edilsin: Həm sənət qazanacaq, həm də dövlət

© AFP 2023 / SYLVAIN THOMASХлопушка-нумератор
Хлопушка-нумератор - Sputnik Azərbaycan
Abunə olmaq
Sənətkarları sənətin ətrafına toplayıb onların yaradıcılığından faydalanmaq lazımdır

BAKI, 18 aprel — Sputnik. Tarix təcrübələr kitabıdır. Tarixə baxanda görürük ki, bu gün dünyaya meydan oxuyan bütün ölkələrin inkişafı elm və mədəniyyətin tərəqqisindən keçir. Bu gün güc sahibi olan Amerika, Avropa ölkələri, Rusiya, Çin, Yaponiya, İsrail kimi ölkələr də elm və mədəniyyət hesabına indiki zirvəyə yüksəlib.

Beyin, arxiv şəkli - Sputnik Azərbaycan
MƏDƏNİYYƏT
Dahilər niyə dəli olurlar - Dörd mühüm versiya

Təəssüf ki, bizim ölkədə elm və mədəniyyətlə bağlı bir sıra problemlər hələ də tam həllini tapmayıb. Nəticədə bəzi elm, sənət adamlarımız xaricə üz tutmaq məcburiyyətində qalıblar. Dünyanın fizika, riyaziyyat, kimya olimpiyadalarında böyük uğurlar qazanmış gənclərimiz, əsasən Amerikaya, Avropaya yerləşib orada fəaliyyət göstəriblər. Bu gün Slikon Vadisində yaşayan "Twitter"də, "Facebook"da çalışan azərbaycanlı gənclər var.

Azərbaycanda sənətin qarşısında bəzi əngəllər durur. Əgər bu gün bir sənət adamının öz yaradıcılığı ilə uğur qazanması üçün keçdiyi yola baxsaq, bu yolu keçmək üçün insani sevgidən başqa heç bir amil məcbur edə bilməz. Sənət adamlarının yaralı yeri də məhz o sevgidir. Məhz o sevgidən imtina edə bilmədikləri üçün hər əziyyətə tab gətirirlər.

Bu əngəllərin aradan qaldırılması üçün, təkrarçılıq olmasın, sənət adamlarına sərbəstlik vermək və yaradıcı adamların maddi rifahını yaxşılaşdırmaq lazımdır. Müasir dünyamızda musiqi və kino sahələri böyük gəlirli biznes sahələrinə çevrilib. Bizdə isə musiqinin gəliri toy səhnəsindən, kinonun gəliri bayağı komediyalardan keçir.

Bunu həll etmək üçün, mədəni həyatımızı inkişaf etmiş ölkələrin mədəni həyatı ilə eyni səviyyəyə qaldırmaq üçün onların təcrübələrindən faydalanmalı, onların üsulların öz inkişaf prosesimizə tətbiq etməliyik. Məsələn, Türkiyədə kinoya, seriala vəsait ayıran özəl şirkətlər dövlət vergilərindən müəyyən faizlə azad olunur. Bununla həm dövlət, həm şirkət, həm də mədəniyyət qazanır.

İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər - Sputnik Azərbaycan
MƏDƏNİYYƏT
Prezidentin mədəniyyət xadimləri ilə görüşündən məxsusi gözləntilər

Olduqca ağıllı və əlverişli üsuldur. Dövlət öz hesabına kinoya pul ayırmaqdansa, sahibkarları bu işə cəlb edir, əvəzinə vergi faizlərini azaldır. Sahibkar da həm vergi ödəmək, həm də reklam xərci çəkməkdənsə, hər ikisini bir yoldan ödəməklə kino və seriala maraq göstərir. Daha sonra kino və serial gəlirlərindən dövlət yenə öz vergisini götürür. Ortada itirən yoxdur, qazanan isə çox. Mükəmməl deyilmi?

Mən bu üsulun Azərbaycandakı kino və serial sektoruna tətbiq olunmasını vacib hesab edirəm. Son dönəm mədəniyyətin və mədəniyyət adamlarının dövlət diqqətində olması ürəkaçandır. Lakin bunun mühüm və uğurlu nəticələr verməsi üçün, müasir və ağıllı təcrübələrdən bəhrələnmək lazımdır. Ənənəvi, sovet üsulu ilə mədəni dirçəliş müasir dünyamızda elə də uğurlu olmayacaq.

Bir faktı unutmamaq lazımdır ki, hər bir istedadı itirdikcə, dövlət də, xalq da, sənət də itirir. Bu itirməklə bir yerə vara bilməyəcəyik. Sənətkarları sənətin ətrafına toplayıb onların yaradıcılığından faydalanmaq, ölkəni və xalqı mədəniyyətlə təmsil etmək, mədəniyyətlə dirçəltmək zamanıdır.

Xəbər lenti
0