Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Şəmkirli gəncdən heyrətamiz qabiliyyət: Övladlarımızı xarici asılılıqdan qurtara bilərik

© Sputnik / Ilham MustafayevGənc rəssam Elşən Allahverdili
Gənc rəssam Elşən Allahverdili - Sputnik Azərbaycan
Abunə olmaq
Onun arzusu çəkdiyi personajları dünyaya tanıtmaq, onları animasiya və cizgi filmləri qəhrəmanlarına çevirməkdir

İlham Mustafa, Sputnik Azərbaycan

BAKI, 16 aprel — Sputnik. Şəmkir rayonunda yaşayan gənc özünəməxsus bacarığı ilə digər həmyaşıdlarından seçilir. O, fırça və boyadan istifadə etmədən, rəngli karandaşlarla 3D formatında professional rəsmlər çəkir. Gənc rəssam Elşən Allahverdilinin hələ kiçik yaşlarından rəsm çəkməyə böyük həvəsi olub. Məktəb illərində digər həmyaşıdları kimi gül-çiçək, avtomobil və digər əşyaların şəkillərini çəkib.

© Sputnik / Ilham MustafayevGənc rəssam Elşən Allahverdili
Gənc rəssam Elşən Allahverdili - Sputnik Azərbaycan
1/4
Gənc rəssam Elşən Allahverdili
© Sputnik / Ilham MustafayevGənc rəssam Elşən Allahverdili
Gənc rəssam Elşən Allahverdili - Sputnik Azərbaycan
2/4
Gənc rəssam Elşən Allahverdili
© Sputnik / Ilham MustafayevElşən Allahverdilinin çəkdiyi əsərlər
Elşən Allahverdilinin çəkdiyi əsərlər - Sputnik Azərbaycan
3/4
Elşən Allahverdilinin çəkdiyi əsərlər
© Sputnik / Ilham MustafayevElşən Allahverdilinin çəkdiyi əsərlər
Elşən Allahverdilinin çəkdiyi əsərlər - Sputnik Azərbaycan
4/4
Elşən Allahverdilinin çəkdiyi əsərlər
1/4
Gənc rəssam Elşən Allahverdili
2/4
Gənc rəssam Elşən Allahverdili
3/4
Elşən Allahverdilinin çəkdiyi əsərlər
4/4
Elşən Allahverdilinin çəkdiyi əsərlər

Lakin hərbi xidmətdə olarkən Elşənin əlində qumbara başlığı partlayıb və nəticədə əlinin iki barmağını itirib. Bu hadisədən sonra onun yaradıcılığında böyük dəyişiklik baş verib. Evə döndükdən sonra nə qədər ənənəvi mövzularda əsərlər yaratmaq istəsə də, onda alınmayıb.

Bundan sonra E.Allahverdili daxili bir qüvvənin təsiri ilə Azərbaycanda rəssamların nadir halda müraciət etdiyi fantastik-döyüş janrında bir-birindən maraqlı rəsmlər çəkməyə başlayıb. O, fiziki əngəllərinə baxmayaraq, rəsmlərini daha çətin üslubla, rəngli karandaşlardan istifadə edərək yaradır.

© Sputnik / Ilham MustafayevElşən Allahverdilinin çəkdiyi əsərlər
Şəmkirli gəncdən heyrətamiz qabiliyyət: Övladlarımızı xarici asılılıqdan qurtara bilərik - Sputnik Azərbaycan
Elşən Allahverdilinin çəkdiyi əsərlər

Sputnik Azərbaycan-ın bölgə müxbiri ilə söhbətində Elşən yaradıcılığı haqda danışır: "Neçə dəfə cəhd etsəm də, artıq əvvəlki kimi rəsmlər çəkə bilmədim. Nəsə çəkmək istəyəndə beynimdə ancaq bu obrazlar yaranır. Ondan sonra onu eskizə köçürüb çəkməyə başlayıram. Düzdür, karandaşlarla işləmək çətindir, kölgə, işıq effektləri, rənglərin tonu, keçidi karandaşlarla verməyin daha çətin olmasına baxmayaraq, işimdən zövq alıram".

Çəkdiyi obrazlara gəlincə isə E.Allahverdili onların heç bir yerdən köçürülmədiyini, bəzilərinin hər hansı personajlara bənzəməsinə baxmayaraq, tamamilə öz fantaziyasının məhsulu olduğını deyir: "Obrazlar beynimdə formalaşdıqdan sonra həvəs yaranır. Sonra onun tarixçəsini düşünürəm".

"Məsələn bu, kimdir, harada dayanıb, ətrafa nə mesaj verir. Bundan sonra başlayıram çəkməyə. Çəkdikcə daha da həvəslənirəm, yeni personajlar yaratmaq istəyirəm. Şəkil çəkmədən 1 həftədən çox dayana bilmirəm" - deyə gənc rəsam əlavə edir.

Onun ən böyük arzusu çəkdiyi personajları dünyaya tanıtmaq, onları animasiya və cizgi filmləri qəhrəmanlarına çevirməkdir.

Həqiqətən də bu gün Azərbaycanda cizgi filmləri və animasiya sahəsində böyük boşluq mövcuddur və körpələrimiz yalnız xarici ölkələrin istehsalı olan cizgi filmlərini və animasiyaları izləməyə məcburdurlar. Bəlkə nə vaxtsa, Elşən kimi bacarlıqlı rəssamların sayəsində milli animasiyalarımız inkişaf edəcək və övladlarımız milli üslubda, tərbiyəvi mövzularda animasiya və cizgi filmləri izləyə biləcəklər.

Xəbər lenti
0