BAKI, 6 dekabr — Sputnik. "Heç bilmirəm, son zamanlar bizdən yazılan hansı xəbərdən başlayım. Ailəmizin dağılmasındanmı, ya da saytının reytinqinə görə ağlına gələn xəbəri yazan, özünə "redaktor" deyən, əslində isə xəbəri özündən uyudurub yazan xəbərçidənmi…"
Sputnik Azərbaycan xəbər verir ki, bu sözləri müğənni Natavan Həbibinin həyat yoldaşı, reper Dado öz "Instagram" səhifəsində yazıb. O, baş verənlərin həqiqətə uyğun olmadığını bildirib.
"Mən həyat prinsiplərimi pul üzərində qurmamışam. Sən özünü necə tanıyırsan, bilmirəm, amma mən o kişi deyiləm ki, öz həyat prinsiplərimi pul üzərində qurum. Adam kişi olar. Mənim nə adım, nə də hissim satılır" — Dado yazıb.
Daha sonra reper həyat yoldaşı Natavandan da üzr istəyib: "Nat, olanlara görə məni bağışla, sən mənim ailəmsən və mən sonuna qədər ailəmizin dağılmasına imkan verməyəcəyəm. Səni çox sevirəm".
