Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Azərbaycan xalq artisti üsyan etdi: "Bütün yaşlı nəslin aktyorlarını..."

© Sputnik / Murad OrujovЗдание Азербайджанского государственного театра юного зрителя в Баку
Здание Азербайджанского государственного театра юного зрителя в Баку - Sputnik Azərbaycan
Abunə olmaq
O əlavə edib ki, sosial şəbəkələrdə tez-tez bəzi teatrlarda aktyorların bir-birindən narazılıq etməsi ilə qarşılaşır

BAKI, 4 oktyabr — Sputnik. "Azərbaycan Dövlət Gənc Tamaşaçılar Teatrında yaşlı nəslin aktyorlarını yarımştata keçirirlər".

Bunu "Report"a teatrın aktyoru, xalq artisti Yasin Qarayev deyib.

Aktyor qeyd edib ki, iş saatlarının azaldılmasının səbəbini özü bilmir: "Bunun səbəbini xırdalaya bilmərəm. Ağaxan Salmanlı, Tariyel Qasımov, Almaz Mustafayeva, Məsumə Babayeva, Sona Babayeva, Rahib Əliyev və s. demək olar ki, bütün yaşlı nəslin aktyorlarını yarımştata keçirirlər. "Koroğlu" dastanında bir məqam var. Koroğlu tüfəngi görəndə qılıncını qınına salır ki, artıq mənlik deyil. Mən hesab edirəm ki, dövranım keçir artıq. Bəlkə də düz fikirləşmirəm. Ancaq mən hələ iş qabiliyyətimi itirməmişəm, tamaşalarda oynayıram. Ay ərzində 3-4 tamaşada çıxış edirəm". 

Teatr səhnəsi, arxiv şəkli - Sputnik Azərbaycan
HADİSƏ
Dövlət teatrındakı əlbəyaxa dava yuxarı müstəviyə daşındı

O əlavə edib ki, sosial şəbəkələrdə tez-tez bəzi teatrlarda aktyorların bir-birindən narazılıq etməsi ilə qarşılaşır: "Bizim teatrda belə hallar yoxdur. Belə problemlərin yaşanmaması üçün idarəçilik düzgün qurulmalıdır. Bu isə müdiriyyətdən asılıdır. Ölkədə ən çox heyəti olan teatr Gənc Tamaşaçılar Teatrıdır. Ancaq burada heç vaxt belə söz-söhbətlər olmur. 45 ildir bu teatrda işləyirəm və digər teatrlardan çox təkliflər olub. Ancaq mən bütün adlarımı bu teatda almışam. Bütün uğurlarım bu teatr ilə bağlıdır. Mənə elə gələr ki, burdan getsəm, ailəmi atmış kimi olaram".

"Report" məsələyə münasibət öyrənmək üçün Azərbaycan Dövlət Gənc Tamaşaçılar Teatrına müraciət edib. Teatrın mətbuat xidmətindən bildirilib ki, Gənc Tamaşaçılar Teatrında yarımştata keçirilmə məsələsi yoxdur: "Təqaüd yaşına çatan aktyorlar ilə müqavilə bağlanır. Bu sırada 15-ə yaxın aktyorumuz var. Bu aktyorlarla müqavilələrimiz var və hər il o müqavilə yenilənir. Bu ilin sentyabr ayında yaşı 65-i keçmiş sənətçilərlə müqavilələrimiz imzalanıb və onlar mütəmadi öz əmək haqqlarını alırlar. Təqaüddə olan aktyorların teatrda tamaşaları var və aktyorlarımız hər zaman tamaşaçı qarşısına çıxırlar".

Xəbər lenti
0