04:18 14 Oktyabr 2019
Canlı yayım
  • USD1.7000
  • RUB0.0264
  • EUR1.8726
Opera və Balet Teatrının binası

SSRİ Xalq artistinin yubileyinə xüsusi tamaşa həsr ediləcək

© Sputnik / Murad Orujov
MƏDƏNİYYƏT
Qısa URL
27 0 0

Tamaşanı Xalq artisti, professor Cavanşir Cəfərov idarə edəcək

BAKI, 2 oktyabr — Sputnik. Azərbaycan Dövlət Akademik Opera və Balet Teatrında Cüzeppe Verdinin "Traviata" operasının tamaşası keçiriləcək. Mədəniyyət və Turizm Nazirliyindən Sputnik Azərbaycan-a verilən məlumata görə, oktyabrın 11-də Azərbaycan Dövlət Akademik Opera və Balet Teatrında Cüzeppe Verdinin "Traviata" operasının tamaşası keçiriləcək. Tamaşa Azərbaycanın ilk qadın opera müğənnisi, SSRİ Xalq artisti, professor Şövkət Məmmədovanın 120 illik yubileyinə həsr olunub. Məlum olduğu kimi, vaxtilə Milanda və Kiyevdə peşəkar musiqi təhsili alan Şövkət xanım uzun illər Azərbaycan Opera və Balet Teatrının solisti olmuş və Teatrın səhnəsində bir çox parlaq obrazlar — Nərgiz ("Nərgiz"), Gülzar ("Şah İsmayıl"), Şahsənəm ("Şahsənəm"), Cilda ("Riqoletto"), Violetta ("Traviata"), Rozina ("Sevilya bərbəri") və s. yaradıb.

Ölməz sənətkarın xatirəsinə həsr edilmiş tamaşada Teatrın aparıcı solistləri — Respublikanın Əməkdar Artistlər İnarə Babayeva (Violetta), Fərid Əliyev (Alfred), Cahangir Qurbanov (Jermon), Əkrəm Poladov (Doktor Qrevil), Xalq Artisti Əli Əsgərov (Markiz d`Obinyi) və gənc solist Nina Makarova (Flora) çıxış edəcək.

Tamaşanı Xalq artisti, professor Cavanşir Cəfərov idarə edəcək.

Əlaqədar

"Düşünürlər ki, Elçinin əsərini tamaşaya qoymaqla dividend qazanacaqlar"
Gözlənilməz qələbənin əsl səbəbi və qəfil soyunan tamaşaçı
ADGT teatrı Oyunlar zamanı 7 tamaşa nümayiş etdirəcək
Rejissor: “Mənim tamaşalarımda tamaşaçı darıxmır”

Əsas mövzular