07:34 28 Noyabr 2020
Canlı yayım
  • USD1.7000
  • RUB0.0274
  • EUR1.9035
MƏDƏNİYYƏT
Qısa URL
29201

Rəşad Əzizov: "Ermənistandan bir neçə komanda gəlmişdi, Azərbaycandan isə cəmi bir komanda"

BAKI, 23 yan — Sputnik. Şən və hazırcavablar klublarının (ŞHK) Rusiyanın Soçi şəhərində keçirilən 28-ci beynəlxalq festivalının seçmə mərhələsində Azərbaycanı təmsil edən "Bakı Yığması" Güclülər Liqasına çıxıb. Bu barədə Sputnik Azərbaycan-a Azərbaycan ŞHK-nın rəhbəri Rəşad Əzizov məlumat verib.

Onun sözlərinə görə, yanvarın 22-də bizim şən və hazırcavablar festivalın qala-konsertində çıxış ediblər və öz adlarını "Güclülər liqası-2017"-yə yazdırıblar: "Nəzərə alanda ki, ilk gündən heç də hər şey asan olmayıb, bu, bizim üçün böyük uğurdur. Bizim düşmənlərimiz ŞHK səhnəsindən öz siyasi təxribatları üçün istifadə etməyə çalışdılar, amma istəklərinə nail ola bilmədilər".

"Ölkə rəhbərliyinin dəstəyi ilə biz ədaləti bərpa etməyə nail olduq. Əvvəlcə heç də hər şey yaxşı getmirdi. Amma qala-konsertdə bizim komanda gücünü artırdı. Biz yorulmaq bilmədən çalışdıq, hətta gecələr yatmadıq və bu, öz bəhrəsini verməkdədir" — Əzizov bildirib.

Onun sözlərinə görə, Azərbaycan ŞHK-nın çıxışından sonra münsiflər yekdil qərar qəbul ediblər ki, "Bakı yığması" bu il "Güclülər liqası-2017"-yə daxil olmalıdır: "Uşaqlara afərin. Onlar ağıllıdırlar. Bu, qəhrəmanlıqdır. Çünki onları heç nə sındıra bilmədi. Ermənistandan bir neçə komanda gəlmişdi, Azərbaycandan isə cəmi bir komanda. Buna görə də, biz fəxr edə bilərik".

Klub rəhbəri qeyd edib ki, bu festival onların gözlərini açıb və onlar kimlərin azərbaycanlıları "Birinci kanal"da görmək istəmədiklərini öyrəniblər: "Bundan sonra çox iş görməliyik. Hələ ən maralı şeylər irəlidədir".

Qeyd edək ki, Güclülər Liqası 1986-cı ildən mövcuddur və klubların baş liqasıdır. Güclülər Liqasının çempionu bütün klubun çempionu hesab edilir.

Əlaqədar

"Bakı yığması" Soçidə öz məqsədinə çatdı
"Anar Məmmədxanov həyatda olsaydı, bunlar baş verməzdi..."
Teqlər:
hazırcavab, şən, Rəşad Əzizov, ŞHK, Soçi, konsert, klub

Əsas mövzular