BAKI, 19 yan — Sputnik. 63 yaşlı məşhur Braziliya müğənnisi Loalva Braz Rio-de-Janeyroda ölü tapılıb. Sputnik Azərbaycan-ın məlumatına görə, bu barədə Musika.uol internet informasiya portalı xəbər verib.
Müğənninin cəsədi öz maşınında yanmış şəkildə tapılıb. 1989-cu ildə "Lambada" hitinin ifasından sonra məşhurluq qazanan Loalva Brazın meyiti Rio-de-Janeyrodakı Sakuarema yaşayış məntəqəsində aşkarlanıb.
Hüquq-mühafizə orqanları qətlin versiyaları üzərində işləyirlər. Polisin əldə etdiyi məlumatlara görə, müğənninin evində onun ölümündən bir qədər əvvəl iki naməlum şəxs olub.
Loalva Braz 1953-cü ildə Rio-de-Janeyroda anadan olub. Amma o, əsl şöhrətini Fransaya köçəndən sonra qazanıb. Fransada Fransa-Braziliya pop qrupu olan Kaomanın solisti olub. 1989-cu ildə kollektiv bir çox ölkələrin hit-paradında birinci yerdə duran "Lambada" mahnısını yazıb.
