Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

"O, sərvətini təkcə bina tikintisinə həsr etməyib"

© Sputnik / Murad OrujovЗдание Национальной Академии Наук Азербайджана в Баку
Здание Национальной Академии Наук Азербайджана в Баку - Sputnik Azərbaycan
Abunə olmaq
Tarix İnstitutunda Ağa Musa Nağıyevə həsr olunmuş kitabın təqdimat mərasimi olub

BAKI, 18 yan — Sputnik. Bu gün Azərbaycan Milli Elmlər Akademiyasının (AMEA) Tarix İnstitutunda, azərbaycanlı milyonçu, neft hasilatçısı, xeyriyyəçi Ağa Musa Nağıyevə həsr olunmuş "Zamanın sorağında" (rusca) kitabının təqdimat mərasimi keçirilib. Sputnik Azərbaycan xəbər verir ki, kitabın müəllifi Ağa Musa Nağıyevin nəvəsi və tədqiqatçısı Dilarə Ağamusa Nağıyevadır. Nəşrin elmi redaktoru isə akademik Arif Həşimovdur.

Hacı Zeynalabdin Tağıyev - Sputnik Azərbaycan
MƏDƏNİYYƏT
Xeyriyyəçi milyonçu necə qatil oldu?

Təqdimat mərasimini giriş sözü ilə açan Tarix İnstitutunun direktoru Yaqub Mahmudov bildirib ki, Ağa Musa Nağıyev kapitalını ancaq bina tikintisinə deyil, həm də o dövrdə cəhalət girdabında boğulan xalqın maariflənməsinə, onun dünyagörüşünün və ümumi mədəni səviyyəsinin yüksəldilməsi istiqamətinə sərf edib.

Təqdimat mərasimində çıxış edən AMEA-nın İctimai Elmlər Bölməsinin akademik-katibi, AMEA-nın müxbir üzvü Nərgiz Axundova, Milli Məclisin deputatları Qənirə Paşayeva, Jalə Əliyeva, Dilarə Cəbrayılova və başqaları Ağa Musa Nağıyevin xeyriyyəçilik və ictimai fəaliyyətindən söz açıblar.

© Photo : STRDilarə Nağıyevanın “Zamanın sorağında” kitabı
Dilarə Nağıyevanın “Zamanın sorağında”  kitabı - Sputnik Azərbaycan
Dilarə Nağıyevanın “Zamanın sorağında” kitabı

Tədbirdə Tarix İnstitutunun şöbə müdiri Hacı Həsənovun "Ağamusa Nağıyev: Azərbaycanın böyük sənayeçisi", Tarix İnstitutunun aparıcı elmi işçisi Sevinc Mustafayevanın "Məşhur xeyriyyəçi Ağamusa Nağıyev" adlı məruzələri dinlənilib. Xatırladaq ki, hazırda Ağa Musa Nağıyevin tikdirdiyi "İsmailiyyə" binasında Azərbaycan Milli Elmlər Akademiyasının Rəyasət Heyəti yerləşir.

Xəbər lenti
0